ကလေးမြို့မှာ ကိုဂျင်မီ၊ ကိုဇေယျာသော်တို့ ကြိုးပေးခံရခြင်း ၂ နှစ် ပြည့်အထိမ်းအမှတ် လူထုသပိတ်ပြုလုပ်

စစ်ကိုင်းတိုင်း၊ ကလေးမြို့နယ်မှာ ဇူလိုင် ၂၃ ရက်မှာကျရောက်တဲ့ ကိုဂျင်မီ(ခ)ကိုကျော်မင်းယု၊ ကိုဖြိုးဇေယျာသော်၊ ကိုလှမျိုးအောင်၊ ကိုအောင်သူရဇော်တို့ ကြိုးပေးကွပ်မြက်ခံရခြင်း ၂ နှစ်ပြည့် အထိမ်းအမှတ် အောက်မေ့သတိရခြင်းအခမ်းအနား လူထုသပိတ် ပြုလုပ်ခဲ့ကြတယ်လို့ ကလေးမြို့လူထုတိုက်ပွဲဦးဆောင်ကော်မတီဆီက သိရပါတယ်။ 

လူထုသပိတ်လှုပ်ရှားမှုအစီအစဉ်မှာ ကိုဇေယျာလွင်မှပေးပို့သော ရုပ်သံမှတ်တမ်းကို ကြည့်ရှုခဲ့ကြပြီးနောက် ရပ်ရွာဒေသခံကျောင်းသားတွေ ရွေးကောက်တင်မြှောက်ထားတဲ့ ကျောင်းသားခေါင်းဆောင်တွေက ကျမ်းသစ္စာကျိန်ဆိုခြင်းအစီအစဉ်ကို ပြုလုပ်ခဲ့ကြပါတယ်။ 

❝သူရဲကောင်းတို့မျှော်ရည်ချက် လူထုအားနဲ့ ဆက်ချီတက် ❞ ခေါင်းစဉ်နဲ့ပြုလုပ်ခဲ့တဲ့ဒီလှုပ်ရှားမှုကို ကလေးမြို့ လူထုတိုက်ပွဲဦးဆောင်ကော်မတီက ဦးဆောင်ခဲ့ပြီး ကလေးမြို့ဒေသခံ တော်လှန်ပြည်သူများက ပူးပေါင်းပါဝင်ခဲ့ ကြပါတယ်။ 

ကလေးမြို့ပေါ်က တော်လှန်ပြည်သူတွေကလည်း ကိုဂျင်မီ(ခ)ကိုကျော်မင်းယု၊ ကိုဖြိုးဇေယျာသော်၊ ကိုလှမျိုးအောင်၊ ကိုအောင်သူရဇော်တို့ ကြိုးပေးသတ်ဖြတ်ခံရခြင်း (၂)နှစ်ပြည့် ဝမ်းနည်းခြင်း အထိမ်းအမှတ် လှုပ်ရှားမှုကို စစ်ကောင်စီတပ်ဖွဲ့ဝင်တွေ လုံခြုံရေးတင်းကြပ်နေတဲ့ကြားကပဲ ကလေးမြို့ပေါ် တနေရာမှာ ပြုလုပ်ခဲ့ကြတယ်လို့ သိရပါတယ်။ 

#မြေလတ်အသံ

#စစ်ကိုင်း #ကလေး #ကွပ်မြက် #လူထုသပိတ်