Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ကလေးမြို့မှာ စစ်ကောင်စီခန့် အုပ်ချုပ်ရေးမှူးသားအဖ ဖမ်းခံရပြီးနောက် ဒေသခံ ၄ ဦးကို စစ်ကောင်စီဖမ်းဆီး
စစ်ကိုင်းတိုင်း၊ ကလေးမြို့အနီး နှောညောင်ပင်ရွာက စစ်ကောင်စီခန့် ဥက္ကဌဖမ်းဆီးခံရပြီးနောက် ဒီဇင်ဘာ ၁၂ ရက်ညက ဒေသခံ ၄ ဦးကို စစ်ကောင်စီဘက်က ဖမ်းဆီးသွားခဲ့တယ်လို့ နှောညောင်ပင်ရွာနဲ့ နီးစပ်သူတစ်ဦးက ပြောပါတယ်။
ဒေသကာကွယ်ရေးတပ်ရဲ့ဖမ်းဆီးခြင်းခံရတဲ့ နှောညောင်ပင်ရွာဥက္ကဌဦးမောင်ရီရဲ့အကိုဖြစ်သူ ပျူစောထီးခေါင်းဆောင် ဦးနွားထီးကဦးဆောင်ပြီး အဲ့ဒီကျေးရွာက အသက် ၃၀ကျော်အရွယ် ကိုသိန်းသိန်းမင်းအပါအဝင် အမျိုးသမီး ၃ ဦးကို ဖမ်းဆီးခဲ့တာပါ။
နှောညောင်ပင်ရွာနဲ့ နီးစပ်တဲ့ဒေသခံတဦးက " အုပ်ကြီးမောင်ရီရဲ့အကိုအရင်း နွားထီး(နာမည်)တို့အုပ်စုကလည်း လူတွေထပ်ဖမ်းစရာရှိသေးတယ်ဆိုပြီး ခြောက်လှန့်နေတော့ နှောညောင်ပင်ရွာကလူတွေရော ကံပုလဲရွာကလူတွေပါ ကြောက်နေရတယ်ဗျ။"လို့ ပြောပါတယ်။
ဖမ်းဆီးခံရသူတွေကို ညသန်းခေါင်ယံအချိန် အိမ်ကိုဝိုက်ပြီးဖမ်းဆီးသွားခဲ့တာဖြစ်ပြီး ဒီဇင်ဘာ ၁၃ ရက် နေ့လယ် ၂ နာရီဝန်းကျင်မှာ ကလေးမြို့ ဒေသကွပ်ကဲမှုစစ်ဌာနချုပ် စစ်ကြောရေးက ကားနဲ့လာရောက်ခေါ်ဆောင်သွားခဲ့တာလို့ ဆိုပါတယ်။
လက်ရှိမှာတော့ ဖမ်းဆီးခံရသူတွေဟာ စစ်ကြောရေးမှာ စစ်ဆေးခံနေရပြီး ကျေးရွာဥက္ကဌဦးမောင်ရီတို့သားအဖကို ၂ ယောက်ကို ဒေသကာကွယ်ရေးတပ်ကဖမ်းဆီးတာနဲ့ဆက်စပ်ပြီး ဖမ်းဆီးသွားခဲ့တာလို့ သိရပါတယ်။
ဒီဇင်ဘာ ၁၂ရက် မနက်အစောပိုင်းက နှောညောင်ပင်ရွာဥက္ကဌဦးမောင်ရီတို့သားအဖ ၂ ဦးဟာ တောထဲကိုနွားကျောင်းသွားရင်း ဒေသကာကွယ်ရေးတပ်ရဲ့ဖမ်းဆီးခြင်းကို ခံခဲ့ရတာပါ။
နိုင်ငံရေးအကျဉ်းသားများကူညီစောင့်ရှောက်ရေးအသင်း AAPP ရဲ့စာရင်းပြုစုချက်အရ စစ်အာဏာသိမ်းခဲ့တဲ့ ၂၀၂၁ ဖေဖော်ဝါရီ ၁ ရက်နေ့ကနေ ၂၀၂၄ ဒီဇင်ဘာ ၁၃ ရက်နေ့အထိစစ်ကောင်စီကအရပ်သား ၂၇,၈၇၂ ဦး ဖမ်းဆီးထားကြောင်း ဖော်ပြထားပါတယ်။
သတင်း - သက်ဝေ၊ စာတည်း - JCG
#မြေလတ်အသံ
#စစ်ကိုင်း #ကလေး #စစ်ကောင်စီ #ဒေသခံ #ဖမ်းဆီး
Share Share Share