ကောလင်းမြို့ကိုဝင်ဖို့ကြိုးစားတဲ့ စစ်အုပ်စုနဲ့ PDF တွေတိုက်ပွဲဖြစ်၊ PDF တဦးကျဆုံး

ဒေသခံကာကွယ်ရေးတပ်တွေ ထိန်းချုပ်ထားတဲ့ စစ်ကိုင်းတိုင်း၊ ကောလင်းမြို့ကို ဝင်ရောက်ဖို့ ကြိုးစားတဲ့ စစ်ကောင်စီတပ်သားတွေနဲ့ နယ်ခံကာကွယ်ရေးတပ်တို့ တိုက်ပွဲဖြစ်ပြီး PDF ရဲဘော်ဦး ကျဆုံးခဲ့တယ်လို့ မြေပြင်တိုက်ခိုက်ရေး ရဲဘော်တဦးဆီက သိရပါတယ်။ 

စစ်ကောင်စီတပ်တွေဟာ နိုဝင်ဘာ ၁၁ ရက် မနေ့ မနက် ၄ နာရီလောက်က ဝန်းသိုမြို့ကနေ စစ်ကြောင်းထိုးဝင်ရောက်လာချိန် ကောလင်းမြို့အနောက်မြောက်ဘက် ဝါးရုံးတုံးရပ်ကွက် ရဲစခန်းအနီးမှာ တိုက်ပွဲဖြစ်ခဲ့တာလို့ ဆိုပါတယ်။ 

"ကောင်းလင်းမြို့ပေါ်အထိ မရောက်လိုက်ဘူး။ အဲ့ဘက်မှာ တပ်ရင်း ၂ နဲ့ တိုက်ပွဲဖြစ်တယ်။ မနက် ၁၀ နာရီလောက်အထိ ဖြစ်ကြတယ်။ စစ်တပ်ကလည်း လေယာဥ်နဲ့  ၂ ခါ လာပစ်သွားတယ်" လို့ တပ်ဖွဲ့ဝင်တဦးက ပြောပါတယ်။

စစ်ကောင်စီဘက်က ကာကွယ်ရေးတပ်တွေရဲ့ ကင်းတဲစခန်းထဲကို ဗုံးပစ်သွင်းသွားတဲ့အတွက် ကောလင်းခရိုင် တပ်ရင်း ၂ က ကင်းစောင့်နေတဲ့ အသက် ၂၀ အရွယ် ရဲဘော်တဦး ကျဆုံးခဲ့တာဖြစ်ပါတယ်။ 

လက်ရှိမှာတော့ အဲ့ဒီစစ်ကြောင်းဟာ ကောလင်းမြို့ရဲ့ အနောက်မြောက်ဘက် ၁ မိုင်နီးပါးဝေးတဲ့ ကျွန်းတောထဲမှာ ဝင်ရောက်နေပြီး နောက်ဆက်တွဲအခြေအနေတွေကိုတော့ မြေလတ်အသံက ဆက်လက်စုံစမ်းနေပါတယ်။  

ပြီးခဲ့တဲ့ နိုဝင်ဘာ ၆ ရက်မှာ ကောလင်းမြို့ကို ဒေသခံကာကွယ်ရေးတပ်တွေက သိမ်းယူထိန်းချုပ်နိုင် ခဲ့ကာ လက်ရှိမှာတော့ ရွှေဘိုခရိုင် စစ်ဒေသကွက်ကဲရေးရုံးက အုပ်ချုပ်ရေးလုပ်ငန်းတွေ လုပ်ကိုင်နေပြီး ပြည်သူတွေလည်း မြို့ထဲကို ပြန်လည်ဝင်ရောက်နိုင်နေပြီလို့ သိရပါတယ်။ 

စာတည်း - လင်း 

#မြေလတ်အသံ 

#စစ်ကိုင်း #ကောလင်း #စစ်ကောင်စီ #PDF #တိုက်ခိုက် #PDF #သေဆုံး #သတင်း #မြေလတ်သတင်း