Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ကောလင်းမြို့အနီး တိုက်ပွဲဖြစ်၊ နှစ်ဘက်အသေအဆုံးရှိဟုဆို (ရုပ်/သံ)
စစ်ကိုင်းတိုင်း၊ ကောလင်းမြို့နယ်၊ ရွာမကျေးရွာမှာ စစ်ကောင်စီတပ်တွေနဲ့ တော်လှန်ရေးပူးပေါင်းတပ်တွေကြား တိုက်ပွဲဖြစ်ပွားခဲ့ရာ စစ်ကောင်စီဘက်အသေအဆုံးများခဲ့သလို ကောလင်းခရိုင်တပ်ရင်း ၂ က ရဲဘော် ၂ ဦးလည်း သေဆုံးခဲ့တယ်လို့ ကောလင်းမြို့နယ်၊ ပြည်သူ့ကာကွယ်ရေးတပ်ဖွဲ့ဆီက သိရပါတယ်။
မတ် ၂၁ ရက် မနေ့က မနက် ၇ နာရီကစပြီး ကောလင်းမြို့အနောက်ဘက် ၁ မိုင်အကွာက ရွာမကျေးရွာမှာ တိုက်ပွဲဖြစ်ပွားခဲ့တာဖြစ်ပါတယ်။
အဲဒီတိုက်ပွဲဟာ တနေ့လုံးနီးပါးဖြစ်ပွားခဲ့ပြီး စစ်ကောင်စီဘက်ကလည်း အသေအဆုံးများကာ ညပိုင်းမှာ မှောင်ရိပ်ခိုပြီး ကောလင်းမြို့ထဲကို တပ်ပြန်ဆုတ်သွားတယ်လို့ သိရပါတယ်။
တော်လှန်ရေးတပ်တွေဘက်ကလည်း ကောလင်းခရိုင်တပ်ရင်း ၂ က တပ်ခွဲမှူးတဦးနဲ့ ရဲဘော်တဦးကျဆုံးခဲ့တယ်လို့ သိရပါတယ်။
"စစ်တပ်က ကောလင်းအရှေ့ခြမ်းကနေ ၁၉ ရက်နေ့က ကောလင်းထဲဝင်သွားပြီး ၂၀ ရက်နေ့မှာ ရွာမဘက်ကို စပြီး စစ်ကြောင်းထိုးတာ" လို့ ကောလင်းမြို့နယ်ပကဖအဖွဲ့ဝင်တဦးက ပြောပါတယ်။
အဲဒီစစ်ကြောင်းဟာ မတ် ၁၈ ရက်မှာ မြေနီကျေးရွာကို မီးရှို့ဖျက်ဆီးကာ ပြည်သူ ၁ ဦးကို သေနတ်နဲ့ ပစ်သတ်ခဲ့ပါသေးတယ်။ ကျေးရွာထဲမှာ လူနေအိမ် ၃၅၀ ကျော်ရှိတဲ့အနက် အိမ်ခြေ ၃၀၀ ကျော်ကို မီးရှို့ ဖျက်ဆီးခဲ့တာ ဖြစ်ပါတယ်။
ဒီတိုက်ပွဲကို ကောလင်းခရိုင်တပ်ရင်း ၁ ၊ ကောလင်းခရိုင်တပ်ရင်း ၂ ၊ ယင်းမာပင်တပ်ဖွဲ့၊ ကန့်ဘလူတပ်ရင်း (KP1) အဖွဲ့တို့ ပူးပေါင်းတိုက်ခိုက်ခဲ့တာဖြစ်ပါတယ်။
စာတည်း - လင်းဇေ၊ တည်းဖြတ် - HP
#မြေလတ်အသံ
#စစ်ကိုင်းတိုင်း #ကောလင်းမြို့နယ် #ရွာမကျေးရွာ #စစ်ကောင်စီ #ကောလင်းခရိုင်တပ်ရင်း
Share Share Share