Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ကျေးရွာတွင်းယာယီတပ်စွဲခဲ့တဲ့ စစ်ကောင်စီစစ်ကြောင်းက ရွာခံတွေရဲ့ပစ္စည်းတွေအဓမ္မယူသွားပြီး နေအိမ်တွေမီးရှို့ခဲ့
မန္တလေးတိုင်း၊ ညောင်ဦးမြို့နယ်၊ ကျောက်ပြင်ကန်ကျေးရွာမှာ ယာယီတပ်စွဲနေတဲ့ စစ်ကောင်စီတပ်ဖွဲ့ဝင်တွေက ရွာခံတွေရဲ့ပစ္စည်းတွေကို အဓမ္မယူဆောင်သွားပြီး နေအိမ်တွေကို မီးရှို့ခဲ့တယ်လို့ ဒေသခံတွေထံက သိရပါတယ်။
တပ်မ ၈၈ လက်အောက် အင်အား ၆၀ ဝန်းကျင်ပါစစ်ကြောင်းဟာ အဆိုပါရွာကို မတ် ၄ ရက်က စစ်ကြောင်းထိုးဝင်ရောက်လာခဲ့ပြီး ယာယီတပ်စွဲနေထိုင်ခဲ့ကာ စစ်ကြောင်းပြန်လည်ထွက်ခွာချိန် မတ် ၆ ရက် မနက်အစော ၃ နာရီလောက်မှာ မီးရှို့ဖျက်ဆီးခဲ့တာလို့ ဆိုပါတယ်။
“ ၁၀ ဘီကား ၂ စီးနဲ့ ရွာထဲက နွားတွေ၊ဝက်တွေ၊ စားပွဲတန်းလျားတွေ အကုန်လုံးယူသွားတယ်။ ယူပြီးတော့ ရွာကနေအိမ်တွေကို မီးရှို့ခဲ့တာ ၇ လုံးတော့ ကုန်သွားတယ်။ သူတို့လည်း ပြန်သွားတော့ ရွာအနီးအနားက မီးလောင်တာမြင်တာနဲ့ မီးသွားသတ်ကြတာ။ ၃ ည အိပ်ပြီးမှ မနက်စောစောမှာ မီးရှို့သွားကြတာ။” လို့ ညောင်ဦးဒေသခံတဦးက မြေလတ်အသံကို ပြောပါတယ်။
စစ်ကောင်စီတပ်က ကျောက်ပြင်ကန်ရွာကို ဖေဖော်ဝါရီ ၁၃ ရက်မှာလည်း ၁ ကြိမ် စစ်ကြောင်းထိုးဝင်ရောက်ကာ ထန်းလက်တဲတွေကို မီးရှို့ခဲ့ပြီး စစ်ကောင်စီထောက်ခံရေးသားတဲ့တယ်လီဂရမ်ချန်နယ်တွေမှာ PDF စခန်းတွေကို မီးရှို့တာဖြစ်ကြောင်းဖော်ပြခဲ့တယ်လို့ သိရပါတယ်။
ကျောက်ပြင်ကန်ကျေးရွာဟာ အိမ်ခြေ ၅၀၀ ရှိပြီး ရွာခံတွေဟာ နေအိမ်တွေထပ်မံမီးရှို့ခံရမှာစိုးရိမ်တာကြောင့် ၎င်းတို့ပိုင်ပစ္စည်းတွေကို နီးစပ်ရာကို သယ်ဆောင်ရွှေ့ပြောင်းနေကြတယ်လို့ ဆိုပါတယ်။
ကျောက်ကန်ပြင်ရွာကိုမီးရှို့ပြီးထွက်ခွာသွားတဲ့ အဆိုပါတပ်မ ၈၈ စစ်ကောင်စီစစ်ကြောင်းဟာ လက်ရှိမှာ ကြအို့ကျေးရွာအတွင်း ဝင်ရောက်တပ်စွဲထားတယ်လို့ သိရပါတယ်။
စာတည်း - ဟိန်းစံ
#မြေလတ်အသံ
#မန္တလေး #ညောင်ဦး #ကျောက်ပြင်ရွာ #မီးရှို့ #တပ်မ၈၈
Share Share Share