ကြံ့ခိုင်ရေးပါတီအမာခံရွာက ရွာသားတဦးကို စစ်ကောင်စီတပ်သားတွေ ဖမ်းဆီးရိုက်နှက်

"သူကျွဲပျောက်ရှာတာကို စစ်ကြောင်းနဲ့တွေ့လို့ တညလုံး ရိုက်နှက်ဖမ်းဆီးထားတာ။ သေတော့ မသေဘူး။ မနက်ကျ ပြန်ခေါ်လာယူဖို့ သူ့မိဘတွေကို ဖုန်းဆက်ပြောတယ်တဲ့။ အခုတော့ သူ့က ရွာကိုပြန်ရောက်နေပြီ။ ဒဏ်ရာတွေကတော့ သိပ်မပြင်းဘူး။ တုံးလုံရွာက စစ်တပ်ကိုထောက်ခံတဲ့ ရွာဖြစ်တယ်ဗျ။ ဒါကြောင့်မို့လို့ ပြန်လွတ်ပေးတာ ထင်တယ်" လို့ ပြောပါတယ်။

ကိုအောင်ကောက်ကို ရိုက်နှက်ခဲ့တဲ့ စစ်ကောင်စီတပ်သားတွေဟာ ရိက္ခာတွေ တင်ဆောင်လာတဲ့ စစ်ကား ၄ စီးနဲ့ မိုးညှင်းဘက်ကနေ အင်းတော်မြို့ထဲကို လာချိန် မော်လူးနဲ့ နဘားကျေးရွာအကြား အရောက်မှာ မိုင်းဆွဲတိုက်ခိုက်ခံခဲ့ရသေးတယ်လို့ အထက်ပါတာဝန်ရှိသူက ပြောပါတယ်။

"ည ၉နာရီကျော်မှာပဲ မိုင်းဆွဲခံရတာဗျ။ စကစတွေရဲ့ ထိခိုက်သေဆုံးမှုကိုတော့ မသိရသေးဘူး။ ထိခိုက်သေဆုံးမှု ရှိနိုင်တယ်။ အောင်ကောက်က အဲဒီအချိန်မှာ ကျွဲရှာနေတာ။ အဲဒီမှာတွေ့လို့ ဖမ်းဆီးရိုက်နှက်ခံခဲ့ရတာ။ ဒီကားတွေကတော့ မြို့ထဲက ရိက္ခာကုန်းတပ်ထဲကို ဝင်သွားကြပြီ" လို့ ဆိုပါတယ်။

အဆိုပါ စစ်ကား ၄ စီး တိုက်ခိုက်ခံရပြီးနောက် ကားပေါ်လိုက်ပါလာတဲ့ စစ်ကောင်စီတပ်သားတွေဟာ ကားလမ်းမတ‌လျှောက်ကို လက်နက်ကြီး၊ လက်နက်ငယ်တွေနဲ့ ပစ်ခတ်ခဲ့တာကြောင့် ကမ်းနီကျေးရွာက နေအိမ်တလုံးနဲ့ နန်းမကြိုင်ကျေးရွာက နေအိမ်တချို့ ပျက်စီးမှု ရှိခဲ့သေးတယ်လို့ သိရပါတယ်။

စာတည်း - ရင်ငြိမ်း
#မြေလတ်အသံ