ချောက်မြို့ သင်္ကြန်မဏ္ဍပ်မှာ ဗုံးတွေ့လို့ ရဲတွေက ဖောက်ခွဲပစ်

မကွေးတိုင်း၊ ချောက်မြို့နယ်၊ အမှတ် ၇ အုတ်ဖိုရပ်ကွက် သင်္ကြန်မဏ္ဍပ်မှာ ဧပြီလ ၁၄ ရက် ဒီနေ့မနက်ပိုင်းမှာ ဗုံးတလုံးတွေ့ပြီး ရဲတွေက ဝါးလုံးနဲ့ထိုးဆွလို့ ကွဲသွားတယ်လို့ ချောက်မြို့ခံတွေဆီက သိရပါတယ်။

"မနက်က ဗုံးတွေ့တာလည်း ဟုတ်တယ်။ ဗုံးကွဲတာလည်း ဟုတ်တယ်။ အထုပ်တွေ့လို့ဆိုပြီးတော့ ရဲတွေကို လှမ်းခေါ်တာ။ အထုပ်တွေ့တော့ လမ်းကိုရှင်းထားပြီး စခန်းလှမ်းခေါ်တာ။ ရဲ ၅ ယောက် ၆ ယောက်လောက် လာတယ်။ ပထမ ရဲတွေက သေနက်နဲ့ဖောက်မယ်ဆိုပြီး လုပ်တာ။ ရဲတွေက ဗုံးကိုဝါးလုံးနဲ့ဆွတာမှာ ဗုံးကထကွဲတာ။ ဘယ်သူ့မှမရှိတဲ့အချိန်ကွဲတာ၊ထိခိုက်ဒဏ်ရာရရှိသူတော့မရှိဘူး။ အဲဒီပတ်ဝန်းကျင်က ဆိုင်ခန်းတံခါးတွေ မှန်တာတော့ရှိတယ်" လို့ ချောက်မြို့ခံ အမျိုးသမီးတဦးက ပြောပါတယ်။