Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ဂန့်ဂေါမြောက်ပိုင်းတိုက်ပွဲမှာ စစ်ကောင်စီက လေကြောင်းတိုက်ခိုက်မှု အလွန်အကျွံသုံးနေ
မကွေးတိုင်း၊ ဂန့်ဂေါမြို့နယ်မြောက်ပိုင်း၊ ကန်ရွာနားမှာ စစ်ကောင်စီနဲ့ နယ်မြေခံကာကွယ်ရေးအဖွဲ့တွေ ထိတွေ့တိုက်ပွဲ ပြင်းထန်နေပြီး စစ်ကောင်စီဘက်က လေကြောင်းတိုက်ခိုက်မှု အလွန်အကျွံ ပြုလုပ်နေတယ်လို့ သိရပါတယ်။
မတ်လ ၃၁ ရက် ဒီကနေ့ မနက် ၆ နာရီဝန်းကျင်ထဲက ပစ်ခတ်မှုတွေစတင်နေတာ ဖြစ်ပြီး မနက် ၁၀ နာရီလောက်မှာ စစ်ကောင်စီဘက်က လေကြောင်းတိုက်ခိုက်မှုတွေ ဆက်တိုက်ပြုလုပ်လာတာ ဖြစ်တယ်လို့ ဆိုပါတယ်။
“မနက်အစောထဲက ဖြစ်နေတာ၊ လေယာဥ်ပစ်ကူကို ၁၀ နာရီလောက်ကနေစတင်တာဗျ။ လေကြောင်းမလာခင်ထိတော့ ကိုယ့်ဘက်က အခြေနေကောင်းပါတယ်။ အဲ့နောက်ပိုင်းတော့ အတိအကျပြောလို့ မရသေးဘူးဗျ။ ခုနကလေးတင် ပစ်နေဆဲပါ။" လို့ ဂန့်ဂေါဒေသခံတဦးက ယနေ့ နေ့လည် ၂ နာရီခွဲခန့်က ပြောပါတယ်။
စစ်ကောင်စီဘက်က အထိနာလို့ မနက် ၁၀ နာရီဝန်းကျင်မှာ ပထမဆုံးလေကြောင်းတိုက်ခိုက်မှုစတင်ခဲ့ပြီး ၅ ကြိမ်မြောက် လေကြောင်းပစ်ခတ်မှုကိုတော့ နေ့လည် ၁ နာရီခွဲက ပစ်ခတ်သွားတာဖြစ်တယ်လို့ ဆိုပါတယ်။
လေကြောင်းပစ်ခတ်မှုတွေကြောင့် မြေပြင်အခြေအနေစုံစမ်းလို့မရဖြစ်နေပြီး တိုက်ပွဲတွင်းပစ်ခတ်သံတွေတော့ ငြိမ်နေပေမယ့် လေယာဉ်တွေကတော့ နေ့လည် ၃ နာရီထိ ကောင်းကင်မှာ ဝဲနေတုန်းဖြစ်တယ်လို့ သိရပါတယ်။
ဒါ့အပြင် စစ်ကောင်စီဘက်က လေယာဉ်နဲ့ အင်အားဖြည့်တင်းတာတွေကိုလည်း လုပ်ဆောင်နေတယ်လို့ ဆိုပါတယ်။
စာတည်း - 007
#မြေလတ်အသံ