Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စခန်းသိမ်းခါနီးပြန်ဆုတ်ခဲ့ရတဲ့ ၃ရက်တာ ပဒူရွာတိုက်ပွဲ (ရုပ်/သံ)
စစ်ကိုင်းမြို့နယ်မှာ စစ်ကောင်စီတပ်နဲ့ ပြည်သူ့ကာကွယ်ရေးအဖွဲ့တို့ မေလ ၁၉ ရက်ကနေ ၂၂ ရက်အထိ တိုက်ပွဲဖြစ်ပွားရာ စစ်ကောင်စီဘက်က ၂၀ကျော်သေဆုံးခဲ့တယ်လို့ ဝက်လက်ဒေသအခြေစိုက် ဒေါင်းနီပြည်သူ့ကာကွယ်ရေးအဖွဲ့က ဆိုပါတယ်။
မေလ ၁၉ ရက်မှာ ကံကြီးကုန်းရွာက ထွက်လာတဲ့ အင်အား ၇၀ပါ စစ်ကောင်စီစစ်ကြောင်းနဲ့ ပြည်သူ့ကာကွယ်ရေးအဖွဲ့တို့ဟာ ကံကြီးကုန်းရွာနဲ့ ပဒူရွာကြားမှာ စတင်ပြီး ထိတွေ့တိုက်ပွဲဖြစ်ပွားခဲ့တာပါ။
အဲဒီနောက် ၂၁ ရက်မှာ အင်းစောင်းရွာဘက်နေ တက်လာတဲ့ အင်အား ၅၀ ပါ စစ်ကောင်စီ စစ်ကြောင်းကို ကာကွယ်ရေးအဖွဲ့တွေက မိုင်းဆွဲပြီး မိနစ် ၃၀ ကြာ တိုက်ခိုက်ခဲ့တယ်လို့ ဒေါင်းနီပြည်သူ့ကာကွယ်ရေးအဖွဲ့ တာဝန်ခံ ဗိုလ်လက်ယာက ပြောပါတယ်။
၂၂ ရက်နေ့မှာ ပဒူရွာထဲ တပ်စွဲထားတဲ့ စစ်ကောင်စီရဲစခန်းကို ပြည်သူ့ကာကွယ်ရေးအဖွဲ့တွေကဝင်ရောက်တိုက်ခိုက်ရာ စခန်းသိမ်းနိုင်ကာနီးမှာပဲ လေကြောင်းနဲ့ ပစ်ခတ်ခံရလို့ ပြည်သူ့ကာကွယ်ရေးအဖွဲ့တွေ ပြန်လည်ဆုတ်ခွာခဲ့ရတယ်လို့ ဆိုပါတယ်။
သုံးရက်သုံးကြိမ်ထိတွေ့တိုက်ပွဲအတွင်း ပြည်သူ့ကာကွယ်ရေးတပ်ဖွဲ့က ရဲဘော်တဦး သေဆုံးကာ ၈ ဦးဒဏ်ရာရခဲ့ပါတယ်။
ဒီတိုက်ခိုက်မှုကို ဒေါင်းနီပြည်သူ့ကာကွယ်ရေးအဖွဲ့ ၊ People Servant Force (လက်ရုံးစစ်ကြောင်း) ၊ Knight Commander Force (အညာမြေတပ်ခွဲ)၊ ပြင်ဦးလွင်ခရိုင် (ပ.က.ဖ)၊ စစ်ကိုင်းတပ်ရင်း ၂၊ တပ်ရင်း ၃၊ ၅၁၀ တပ်ရင်း၊ မန္တလေးခရိုင် တပ်ရင်း ၃၊ ပဒူတိုက်နယ် (ပ.က.ဖ)နဲ့ ဒေသခံကျေးရွာ ပ.က.ဖ တပ်ပေါင်းစု တို့ကပူးပေါင်းလုပ်ဆောင်ခဲ့တာလို့ သိရပါတယ်။
တည်းဖြတ် - ဇို
#မြေလတ်အသံ
#စစ်ကိုင်း #ပဒူ #ကံကြီးကုန်း #စစ်ကောင်စီ #PDF #စခန်းသိမ်း #တိုက်ပွဲ