Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စစ်ကိုင်းတံတားအောက် ဧရာဝတီမြစ်ထဲ ရေဆင်းကူးတဲ့ အမျိုးသား ၁ ဦး ရေနစ်သေဆုံး
စစ်ကိုင်းမြို့၊ တကောင်းရပ်ကွက်၊ ရတနာပုံတံတားအောက်က ဧရာဝတီမြစ်ထဲမှာ ရေးဆင်းကူးတဲ့ အမျိုးသား ၁ ဦး ရေနစ်သေဆုံးသွားတယ်လို့ သိရပါတယ်။
ယနေ့ ဧပြီလ ၂၉ ရက် နေ့လယ် ၁၂ နာရီကျော်ခန့်က စစ်ကိုင်းတံတားအောက် တကောင်းဆိပ်မှာ အမျိုးသား ၅ ဦး ရေဆင်းကူးချိန် ၁ ဦးရေနစ်ပျောက်ဆုံးရာက ပြန်လည်တွေ့ရှိချိန်မှာ သေဆုံးလျှက်တွေ့ခဲ့ရတာလို့ ဒေသခံတဦးက ပြောပါတယ်။
"စစ်ကိုင်းမှာဒီလိုပါဘဲ မီးကမလာ ရာသီဥတုကပူတာဆိုတော့ မြစ်ဆိပ်တွေမှာ ရေဆင်းကူးနေကြပါဘဲ။ ခုလည်း အဖော်တွေနဲ့ ရေဆင်းကူးချိန်ဖြစ်သွားတာ။ လူတဦး ရေနစ်တယ်ဆိုတော့ ကယ်ဆယ်ရေးအဖွဲ့တွေ ဝိုင်းရှာကြတာ၊ နေ့လည် ၁ နာရီလောက်မှာ သူတို့ရေဆင်းကူးတဲ့နေရာနားလောက်ကဘဲ အလောင်းကို ပြန်ဆယ်ရခဲ့တယ်" လို့ သူက ပြောပါတယ်။
ရေနစ်သေဆုံးသူဟာ အသက် ၂၉ နှစ်အရွယ် ကိုအောင်မြတ်သူဖြစ်ပြီး တင်းတိမ်ရပ်ကွက်၊ စစ်ကိုင်းမြို့နေထိုင်သူ ဖြစ်တယ်လို့ သိရပါတယ်။
သေဆုံးသွားသူရဲ့အလောင်းကိုတော့ ဒေသလူမှုကူညီရေးအသင်းတွေက စစ်ကိုင်းဆေးရုံကို ပို့ဆောင်ပေးခဲ့ပြီးနောက် မိသားစုတွေရဲ့ ဆန္ဒအရ နေ့ချင်း သဂြိုလ်လိုက်တယ်လို့ သိရပါတယ်။
မတ်လ ၅ ရက်နေ့ကလည်း စစ်ကိုင်းမြို့၊ ဝါဆိုကျောင်းက ကိုရင် ၃ ပါး စစ်ကိုင်းတံတားအောက် ဧရာဝတီမြစ်ထဲမှာ ရေဆင်းကူးချိန် အသက် ၁၂ နှစ်အရွယ် ကိုရင် ၁ ပါးရေနစ်သေဆုံးခဲ့ပါသေးတယ်။
ပုံစာ - ရေနစ်သူကိုရှာဖွေနေသည့် ကယ်ဆယ်ရေးအဖွဲ့ဝင်များ။
စာတည်း-007
#မြေလတ်အသံ