စစ်ကောင်စီထိန်းချုပ်ထားတဲ့ ၀က်လက်မြို့ပေါ်မှာ လူထုသပိတ်တိုက်ပွဲပြုလုပ်ခဲ့

စစ်ကောင်စီဘက်ကလုံခြုံ‌ရေးတင်းကျပ်ထားတဲ့ ၀က်လက်မြို့ပေါ်က မြို့မရဲစခန်းနဲ့အနီးမှာ လူထုလှုပ်ရှားမှုတခု ပြုလုပ်ခဲ့တယ်လို့ ၀က်လက်မြို့နယ်ဗကသထံမှ သိရပါတယ်။

ဒီလှုပ်ရှားမှုကို ၂၀၂၄ ဒီဇင်ဘာ ၃၁ ရက်မှာ ၀က်လက်မြို့နယ်ဗကသ ကနေပြုလုပ်ခဲ့တာဖြစ်ပြီး ၀က်လက်ရဲစခန်းအနီးမှာရှိတဲ့ မြေစာရင်းရုံးအရှေ့ဘက်ကနေ မြင်တော်-ရှိမ္မကား လမ်းအဆုံအထိ လမ်းလျှောက်ချီတက် ဆန္ဒပြခဲ့တာလို့ သိရပါတယ်။ 

 "ကြွေးကြော်သံတွေ တိုင်တယ်၊ ဘန်နာကို မြို့ထဲမှာ ချိတ်ထားခဲ့တယ်။ စစ်ဆန့်ကျင်ရေးစာရွက်တွေကိုလည်း  ဖြန့်ကြဲထားခဲ့တယ်။ အချိန် ၆ မိနစ်နဲ့ အပြီးလုပ်ခဲ့ရတာ။" လို့ ၀က်လက်‌ဗကသ တာ၀န်ရှိသူတဦးကပြောပါတယ်။

ဒီလှုပ်ရှားမှုမှာ စစ်ကောင်စီဘက်ကနေ ဖမ်း၀ရမ်းထုတ်ခံထားရတဲ့ ဗကသရဲဘော်တွေ ဦးဆောင်ပါ၀င်ခဲ့ပါတယ်။ လှုပ်ရှားမှုပြုလုပ်နေစဉ်အတွင်း မိမိတို့ဘက်က လုံခြုံရေးကြိုချထားပြီး စစ်ကောင်စီဘက်က လာ‌ရောက်ပစ်ခတ်ဖမ်းဆီးတာမျိုးလည်း မရှိဘူးလို့သိရပါတယ်။

လှုပ်ရှားမှုပြုလုပ်စဉ် ၀က်လက်မြို့နယ် ပကဖ က လုံခြုံရေးယူပေးခဲ့ကြောင်း သိရပါတယ်။

၂၀၂၁ အာဏာသိမ်းပြီးကတည်းက ၀က်လက်မြို့မရဲစခန်းကနေ ၀က်လက်ဗကသ ရဲဘော်တွေကို ဖမ်း၀ရမ်းထုတ်ပြီး လိုက်လံဖမ်းဆီးခြင်း၊ နေအိမ် ချိပ်ပိတ်ခြင်း‌တွေကိုလည်း ပြုလုပ်ခဲ့ပါတယ်။

သတင်း - လက်ျာ၊ စာတည်း - JCG

#မြေလတ်အသံ

#ဝက်လက် #ဗကသ #ဆန္ဒပြ #သတင်း