Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စစ်ကောင်စီဘက်က ၂၀ ကျော်သေဆုံးခဲ့တဲ့ ဇီးဖြူကုန်းရွာတိုက်ပွဲ (ရုပ်/သံ)
စစ်ကိုင်းတိုင်း၊ ရွှေဘိုမြို့နယ်၊ ဇီးဖြူကုန်းရွာမှာ တပ်စွဲထားတဲ့ စစ်ကောင်စီတပ်သားတွေကို မေလ ၉ ရက်မနက် ၄ နာရီဝန်းကျင်မှာ ဝင်ရောက်စီးနင်း တိုက်ခိုက်ခဲ့တာကြောင့် စစ်သား ၂၀ ကျော် သေဆုံးခဲ့တယ်လို့ ကျောက်လုံးကြီး KLG တပ်မဟာဆီက သိရပါတယ်။
တညလုံး ရွာနားကိုချဉ်းကပ်ခဲ့ပြီး မနက် ၄ နာရီလောက်မှာ တိုက်ပွဲစတင်ကာ မနက် ၆ နာရီဝန်းကျင်လောက်အထိ ၂ နာရီနီးပါး အပြန်အလှန် ပစ်ခတ်ခဲ့ကြတယ်လို့ ကျောက်လုံးကြီး KLG တပ်မဟာ ရဲဘော်တဦးက ဆိုပါတယ်။
အဲ့ဒီတိုက်ပွဲမှာ ဇီးဖြူကုန်းရွာမှာတပ်စွဲပြီးတည်ဆောက်ထားတဲ့ ဘန်ကာ ၄ ခုမှာ ၃ ခုကိုသိမ်းနိုင်ခဲ့သလို စစ်ကောင်စီဘက်က စစ်သားနဲ့ ရဲ ၂၀ ကျော်သေဆုံးပြီး အရာရှိတွေက ထွက်ပြေးသွားခဲ့ကြတယ်လို့ ပြောပါတယ်။
အပြန်အလှန် ပစ်ခတ်မှုကြောင့် KLG တပ်မဟာက ရဲဘော်တဦးအပါ မဟာမိတ်အဖွဲ့တွေက ရဲဘော် ၄ ဦး မစိုးရိမ်ရ ဒဏ်ရာရခဲ့ကြပါတယ်။
၄ ခုမြောက်ဘန်ကာကို သိမ်းနိုင်ကာနီးမှာ နောက်ထပ်ပျူရွာ ၃ ရွာက စစ်ကူတွေထပ်ရောက်လာလို့ တပ်ပြန်ဆုတ်ခဲ့ရပေမယ့် တိုက်ပွဲအပြီး အပြန်လမ်းမှာ ဒေသခံတွေက သပြေခက်တွေနဲ့ကြိုဆိုခဲ့ကြတယ်လို့ သိရပါတယ်။
ဒီတိုက်ခိုက်မှုကို ကျောက်လုံးကြီး KLG တပ်မဟာ၊ ဒီပဲယင်းဂဠုန်တပ်တော်၊ မိုးကြိုးမုန်တိုင်းအဖွဲ့၊ မဟာညီနောင်ဘွား၊ ဒေါင်းလုလင် LPDF၊ spring guerrilla platoon၊ ရွှေဘို ဒီပဲယင်း မဟာမိတ်ညီနောင်တွေနဲ့ ပူးပေါင်းတိုက်ခိုက်ခဲ့တာ ဖြစ်ပါတယ်။
တည်းဖြတ် - ဇို
#မြေလတ်အသံ