စစ်ကောင်စီရဲ့ တင့်ကားတပ်ရင်းကို ဗုံးသီးချ တိုက်ခိုက်လို့ အဆောက်အဦပျက်စီးမှုရှိ

စစ်ကိုင်းတိုင်း၊ စစ်ကိုင်းမြို့နယ်၊ အုန်းတောကျေးရွာ အနောက်မြောက်ဘက်ရှိ စစ်ကောင်စီရဲ့ အမှတ် (၆၀၀၅) တင့်ကားတပ်ရင်းကို ဇူလိုင် ၂၆ ရက်နေ့လယ် ၁၂ နာရီကျော်မှာ ဒရုန်းနဲ့ဗုံးသီးချတိုက်ခိုက်ခဲ့ရာ အဆောက်အဦးတချို့ ပျက်စီးမှုရှိခဲ့ တယ်လို့ Phoenix Sagaing ဆီက သိရပါတယ်။

စစ်ကောင်စီတပ်သား အင်အား ၁၂၀ ခန့်ရှိ အဲ့ဒီတပ်ရင်းကို Fix Wing Drone ၄ စီးသုံးပြုပြီး နာရီဝက်ကြာ ဗုံးကြဲချတိုက်ခိုက်ခဲ့တာလို့ဆိုပါတယ်။

"စကစတွေ သေဆုံးမှုမရှိခဲ့ပေမယ့် ဒဏ်ရာရတဲ့သူတွေရှိခဲ့တယ်။ အရေအတွက်အတိကျမသိရဘူး။ အဆောက် အဦးတခုကတော့ လုံးဝပျက်စီးခဲ့တယ်"လို့ PHOENIX SAGAING အဖွဲ့တာဝန်ခံ ကိုဒီလှိုင်းက ပြောပါတယ်။

တိုက်ခိုက်နေချိန်အတွင်း တင့်ကားတပ်ရင်းထဲမှ စစ်ကောင်စီတပ်သားတွေက ဒရုန်းတွေကို ပစ်ခတ်ခဲ့ သလို PDF တွေရှိနိုင်မယ်ထင်တဲ့ နေရာတွေကိုလည်း လက်နက်ကြီး၊ လက်နက်ငယ်တွေနဲ့ ပြန်လည်ပစ်ခတ်ခဲ့တယ်လို့လည်း ဆိုပါတယ်။

ဒီတိုက်ခိုက်မှုကို Phoenix - Sagaing၊ Young Wolf (LPDF) ၊Unicorn Guerrilla Force ၊Royal Falcon Guerrilla Force ၊ကြောင်လက်သည်း (ဝက်လက်)နဲ့ နယ်မြေခံတော်လှန်ရေးတပ်ဖွဲ့တွေက ပူးပေါင်းလုပ်ဆောင်ခဲ့တာပါ။ 

ပြီးခဲ့တဲ့မေလ ၁၅ ရက်ကလည်း အဆိုပါတပ်ဖွဲ့  ၅ ဖွဲ့အပါဝင် နယ်မြေခံ တော်လှန်ရေးအင်အားစုတွေက အဲဒီ အမှတ် ၆၀၀၅ တင့်ကားတပ်ရင်းကိုပဲ ဒရုန်းတွေနဲ့ ဗုံးသီး ၆ လုံးချ တိုက်ခိုက်ခဲ့သေးတယ်လို့ သိရပါတယ်။

ပုံစာ - အမှတ် ၆၀၀၅ တင့်ကားတပ်ရင်း။ 

စာတည်း - လင်း 

#မြေလတ်အသံ

#စစ်ကိုင်း #တင့်ကားတပ်ရင်း #စစ်ကောင်စီ #တိုက်ခိုက်ခံရ #ပျက်စီး