Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စစ်တပ်ကဗုံးကြဲလို့ အမျိုးသမီး ၁ ဦးသေဆုံးပြီး အိမ် ၁၂ လုံးပျက်စီး
မန္တလေးတိုင်း၊ တောင်သာမြို့နယ်၊ မိုးနှောင်းခင်းကျေးရွာကို စစ်ကောင်စီက ဂျက်ဖိုက်တာနဲ့ ဗုံးကြဲတိုက်ခိုက်ခဲ့တာကြောင့် ဒေသခံအမျိုးသမီး ၁ ဦးသေဆုံးပြီး နေအိမ်တွေလည်းပျက်စီးခဲ့တယ်လို့ တောင်သာမြို့နယ်ပြည်သူ့ကာကွယ်ရေးအဖွဲ့ဆီက သိရပါတယ်။
ဒီဇင်ဘာ ၁၀ ရက် မနေ့ကညနေ ၅ နာရီလောက်မှာ မိတ္ထီလာလေတပ်ဘက်ကတက်လာတဲ့ ဂျက်ဖိုက်တာ ၁ စီးပေါ်ကနေ ဗုံး ၂ လုံးကြဲချတိုက်ခိုက်ခဲ့တာလို့ ဆိုပါတယ်။
“ဂျက်ဖိုက်တာနဲ့ ၂ ကြိမ် ပတ်ပြီးကြဲချသွားတာ။ ဗုံးကတော့ ဘယ်အမျိုးအစားတွေသုံးတာတော့ မသိဘူး။ ဗုံး ၂ လုံးရွာထဲကျတဲ့အခါမှာ နေအိမ် ၁၂ လုံးကျော် ပျက်စီးသွားတယ်။” လို့ တောင်သာမြို့နယ် ပြည်သူ့ကာကွယ်ရေးအဖွဲ့ တာဝန်ရှိသူက ပြောပါတယ်။
ဗုံးစထိမှန်ပြီး မိုးနှောင်းခင်းရွာက အသက် ၅၀ ကျော်အရွယ်အမျိုးသမီး ၁ ဦး သေဆုံးခဲ့ပြီး အမျိုးသား ၂ ဦးနဲ့ အမျိုးသမီး ၃ ဦးဒဏ်ရာရခဲ့ကာ သူတို့ကိုတော့ ရှေးဦးသူနာပြုစနစ်နဲ့ ကျန်းမာရေးစောင့်ရှောက်မှုပေးထားတယ်လို့ ဆိုပါတယ်။
မိုးနှောင်းခင်းကျေးရွာဟာ တောင်သာမြို့နယ်နဲ့ ၂ မိုင်ခန့်ဝေးပြီး ခုလိုဗုံးကြဲတိုက်ခိုက်ခံရတဲ့အတွက် ဒေသခံတွေလည်း ရွာကတိမ်းရှောင်းနေကြတယ်လို့ သိရပါတယ်။
စစ်အာဏာသိမ်းချိန်ကနေ ၂၀၂၄ ဒီဇင်ဘာ ၁၁ ရက်အထိ စစ်ကောင်စီနဲ့ ၎င်းရဲ့လက်ပါးစေတွေကြောင့် သေဆုံးခဲ့ရတဲ့ပြည်သူ စုစုပေါင်း ၆,၀၄၂ ဦးရှိပြီလို့ နိုင်ငံရေးအကျဥ်းသားများ ကူညီစောင့်ရှောက်ရေးအသင်း - AAPP က ထုတ်ပြန်ထားပါတယ်။
စာတည်း - လင်း
#မြေလတ်အသံ
#မန္တလေး #တောင်သာ #စစ်ကောင်စီ #လေကြောင်းတိုက်ခိုက်
Share Share Share