စစ်ရှောင်စခန်းက ၁ လသားအရွယ် အမွှာမောင်နှမ နို့ ၁ ဗူးကို မျှစို့နေရတဲ့အထိ ကျပ်တည်းနေ

စစ်ကိုင်းတိုင်း၊ ခင်ဦးမြို့နယ်မှာရှိတဲ့ စစ်ဘေးရှောင်စခန်းတခုမှာ ခိုလှုံနေကြရတဲ့ ၁ လအရွယ် အမွှာကလေး ၂ ဦးမှာ ၁ ရက်လျှင် နို့ဘူးတလုံးတည်းကို ၂ ကြိမ်တိုင်တိုင် မျှပြီးစို့နေရတယ်လို့ သိရပါတယ်။

ဦးနိုင်ဦး နဲ့ ဒေါ်ချိုနိုင်ဦးတို့ဇနီးမောင်နှံက သူတို့ကို စစ်ရှောင်ရင်း စစ်ဘေးရှောင်စခန်းထဲမှာပဲ မွေးဖွားခဲ့ရတာကြောင့် နာမည်ကို မအုံးအုံး(အကြီး)နဲ့ မောင်ဒိုင်းဒိုင်း(အငယ်) လို့ မှည့်ခေါ်ထားတယ်လို့ ခင်ဦးမြို့နယ် သတင်းမှန်ပြန်ကြားရေးအဖွဲ့မှ တာဝန်ခံက ပြောပါတယ်။

"မိဘတွေက နဂိုကတည်းက လက်လုပ်လက်စားတွေပါ။ ဆင်းရဲချို့တဲ့ ကြတယ်။ ဒီအထဲ သူတို့ရဲ့ နေအိမ်ကလည်း မီးရှို့ခံရတဲ့အထဲ ပါသွားတယ်။ ဒါကြောင့်မို့ စစ်ရှောင်စခန်းတခုမှာ လာပြီးခိုလှုံနေကြရင်း ဒီအမွှာလေးတွေကို မွေးဖွားခဲ့ကြတာ။ မိခင်က နို့မအောင်(မရ)တော့ နို့ဘူး ဝယ်တိုက်နေရတာ။ ပိုက်ဆံကမရှိတော့ ချေးငှားပြီးတော့ နို့ဘူးတလုံးနဲ့ ၂ ယောက်ကို မျှတိုက်နေရတယ်" လို့ ဆိုပါတယ်။