Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စလင်းမှာ စစ်ကောင်စီ MiG-29 တိုက်လေယာဥ် ပျက်ကျ
မကွေးတိုင်း၊ မင်းဘူးခရိုင်၊ စလင်းမြို့နယ်၊ ပွင့်ဖြူ-စလင်းလမ်းပိုင်းရှိ ကြူဝင်းရွာအနီးမှာ စစ်ကောင်စီရဲ့ တိုက်လေယာဉ်တစီး ပျက်ကျခဲ့တယ်လို့ ဒေသခံတွေဆီက သိရပါတယ်။
ဖေဖော်ဝါရီ ၂၉ ရက် ဒီနေ့လယ် ၁ နာရီကျော်က ပျက်ကျခဲ့တာဖြစ်ပြီး တိုက်လေယာဥ်ပေါ်မှာ ပါလာတဲ့ တပ်သားတချို့လည်း သေဆုံးနိုင်တယ်လို့ ဆိုပါတယ်။
“လေထီးခုန်ချတာတွေလည်းရှိတယ်။ ခုန်ချတဲ့ ၂ ယောက်ကတော့ လွတ်တယ်။ (ပျက်ကျတဲ့လေယာဉ်)အတွင်းထဲမှာလည်း ၂ ယောက်ပါတယ်။”လို့ ဒေသခံတဦးက ပြောပါတယ်။
ပျက်ကျတဲ့ တိုက်လေယာဉ်ဟာ မကွေးလေတပ်စခန်းဌာနချုပ်က ပျံသန်းလာတဲ့ MiG-29 တိုက်လေယာဉ်အမျိုးအစားဖြစ်တယ်လို့ မကွေးလေတပ်နဲ့နီးစပ်တဲ့ သတင်းရင်းမြစ်က အတည်ပြုပြောပါတယ်။
ဒီဖြစ်စဥ်နဲ့ ပတ်သက်တဲ့ နောက်ဆက်တွဲ အခြေအနေတွေကိုတော့ မြေလတ်အသံက ဆက်လက်စုံစမ်းနေပါတယ်။
လက်ရှိအချိန်ထိ စလင်းနဲ့ ပွင့်ဖြူမြို့မှာလည်း ရဟတ်ယာဉ်တချို့ ပျံသန်းနေတယ်လို့ ဒေသခံတွေဆီက သိရပါတယ်။
#မြေလတ်အသံ
#မကွေး #စလင်း #တိုက်လေယာဥ်ပျက်ကျ #စစ်ကောင်စီ #သတင်း
Share Share Share