Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စေတုတ္တရာမှာ စက်တပ်လေထီးနဲ့ဗုံးကြဲလို့ ကလေး ၂ ဦးအပါ ၇ ဦးသေဆုံးပြီး ၁၃ ဦးဒဏ်ရာရ
မကွေးတိုင်း၊ စေတုတ္တရာမြို့နယ်၊ မုံညှင်းကျေးရွာအုပ်စု၊ မုံညှင်းကျေးရွာအနီးကို စက်တပ်လေထီး (Paramotar) နဲ့ဗုံးကြဲတိုက်ခိုက်ခဲ့တာကြောင့် ကလေး ၂ ဦးအပါအဝင် ၇ ဦးသေဆုံးခဲ့တယ်လို့ ဒေသခံတဦးကပြောပါတယ်။
ဖေဖော်ဝါရီ ၂၃ ရက်မနက် ၃ နာရီဝန်းကျင်မှာ မုံညှင်းကျေးရွာတောင်ဘက် ၂ မိုင်ခန့်အကွာက တဲတိုက်ထဲကို စစ်ကောင်စီတပ်ဖွဲ့ဝင်တွေက ဗုံးကြဲချခဲ့တာကြောင့် အဲ့ဒီနေရာမှာနေထိုင်နေတဲ့ ဒေသခံတွေကို ထိမှန်သေဆုံးခဲ့ကြတာလို့ဆိုပါတယ်။
“သေတာကတော့ အမျိုးသမီး ၄ ဦး အမျိုးသား ၃ ဦးပါ။ လက်ပြတ်တာက ၂ ဦးပါ၊ ဒဏ်ရာရသူက ၁၃ ဦးလောက်ရှိပါတယ်။ တဲတိုက်တွေအားလုံးလည်း မီးလောင်သွားပါတယ်။”လို့ ဒေသခံတဦးက ပြောပါတယ်။
သေဆုံးသူတွေဟာ အသက် ၄၀ အရွယ် ကိုဟန်ဌေး၊ မဌေးဌေး၊ မစန်းညွန့်၊ အသက် ၃၀ အရွယ် မလွမ်းမူ၊ အသက် ၂၀ ကျော် မယမုံဦး၊ ၃ နှစ် နဲ့ ၁၀ နှစ်အရွယ်ယောက်ျားလေး ၂ ဦး သေဆုံးခဲ့တယ်လို့ သူက ဆက်ပြောပါတယ်။
အလောင်းတွေကိုတော့ ဖေဖော်ဝါရီ ၂၄ ရက်ဒီမနက်မှာသင်္ဂြိုဟ်ပြီး ဒဏ်ရာရသူတွေကိုတော့ ဆေးကုသပေးနေတယ်လို့ ဆိုပါတယ်။
အဆိုပါတဲတိုက်မှာ စုစုပေါင်းတဲ ၁၈ လုံးရှိပြီး မုံညှင်းကျေးရွာဒေသခံတချို့က အဲ့ဒီတဲတိုက်တွေမှာ လာရောက်နေထိုင်ရင်း စိုက်ပျိုးရေးလုပ်ကိုင်နေကြတာဖြစ်တယ်လို့ ဆိုပါတယ်။
ဗုံးကြဲချတိုက်ခိုက်ပြီးနောက်မှာလည်း အိမ်ခြေ ၁၈၀ ရှိတဲ့မုံညှင်းရွာကဒေသခံ ၆၀၀ ဝန်းကျင်လည်း ရွာကနေ ထွက်ပြေးတိမ်းရှောင်နေကြတယ်လို့ အထက်ပါဒေသခံကပြောပါတယ်။
စာတည်း - လင်း
#မြေလတ်အသံ
#မကွေး #စေတုတ္တရာ #စက်တပ်လေထီး #ဗုံးကြဲ #ဒေသခံသေဆုံး
Share Share Share