ဆက်ကြေးကောက်တဲ့စစ်ကောင်စီအဖွဲ့ ကို ဒရုန်းနဲ့တိုက်ခိုက် ၂ ဦးသေဆုံးဟုဆို

ဗုံးချတိုက်ခိုက်ခံရလို့ စစ်ကောင်စီတပ်သား ၂ ဦးသေဆုံးသွားပြီး တချို့လည်း ဒဏ်ရာရခဲ့ပါတယ်။ ထိခိုက် သေဆုံးဒဏ်ရာရသူတွေကို မြင်းခြံမြို့ဘက်ကို ကားနဲ့တင်ဆောင်သွားတယ်လို့ သူက ဆိုပါတယ်။

"သူတို့က စစ်ဆေးရေးလုပ်ပြီးတော့ သောက်စားပြီး နားနေတဲ့အချိန်မှာ ဗုံးချခဲ့တာ။ ထိခိုက်သေဆုံးကိုတော့ မြေပြင်သတင်းယူနေတဲ့သူတွေဆီက သိရတာဖြစ်တယ်။ အမြဲတမ်းတပ်စွဲစစ်ဆေးနေတဲ့ နေရာတော့ မဟုတ်ဘူး။ တခါတလေမှလာပြီး စစ်ဆေးရေးလုပ်တဲ့နေရာပါ" လို့ Myingyan District Drone Strike Teamမှ တာဝန်ရှိသူက ဆိုပါတယ်။

အဲဒီတိုက်ခိုက်မှုကိုတော့ Myingyan District Drone Strike Team နဲ့အတူ မဟာမိတ်တွေဖြစ်တဲ့ မြင်းခြံခရိုင် တပ်ရင်းအမှတ် ၁၊ တပ်ခွဲ ၁၊ မြင်းခြံခရိုင် တပ်ရင်းအမှတ် ၄၊ 27 revolution force တပ်ခွဲ ၃၊ မြင်းခြံခရိုင်တပ်ရင်း ၃၊ တပ်ရင်း ၈၊ ဗိုလ်စားပြောက်ကျားတပ်ဖွဲ့၊ 8 stars အဖွဲ့၊ နွားထိုးကြီးမြို့နယ်ပကဖ တို့က ပူးပေါင်းပါဝင် တိုက်ခိုက်ခဲ့တာပါ။

မေလ ၈ ရက်ကလည်း မြင်းခြံခရိုင်၊ တောင်သာမြို့နယ်၊ ရတနာပုံကျေးရွာနားမှာ ယာယီတပ်စွဲထားတဲ့ စစ်ကောင်စီအဖွဲ့ ဒရုန်းနဲ့တိုက်ခိုက်ခံရပြီး ထိခိုက်သေဆုံးမှုတွေရှိခဲ့တယ်လို့ သိရပါတယ်။

ပုံစာ - စစ်ကောင်စီတပ်သားများ စစ်ဆေးရေးလုပ်ဆောင်တဲ့လမ်းခွဲနေရာ။

စာတည်း - ရင်ငြိမ်း
#မြေလတ်အသံ