တိုက်ပွဲမရှိပဲ စစ်တပ်က ရွာကိုမီးရှို့ပြီး ရွာထဲ တညအိပ်ကာ ချက်ပြုတ်စားသောက်ခဲ့

"ဒီရွာကို စကစတွေဝင်တာက ၃ ကြိမ်ရှိပြီ။ ဇန်နဝါရီလထဲမှာ ပထမအကြိမ်ဝင်လို့ မီးရှို့တယ်။ ဒုတိအကြိမ်တော့ မရှို့ခဲ့ဘူး။ အခုအကြိမ် မှာတော့ မီးရှို့လို့၂၂လုံးပျက်စီးတယ်။ ပြီးတော့ ရွာထဲက ဆိုင်တွေကစားသောက်ကုန်ပစ္စည်းတွေယူပြီး ဘုန်းကြီးကျောင်းထဲမှာ ချက်ပြုတ် စားသောက်တယ်။ ဘုန်းကြီးကျောင်းက မီးစက်ကိုနှိုးပြီး မီးထွန်းပြီးစားသောက်ကြတယ်။ ကျနော်တို့က ဒရုန်းနဲ့ကြည့်လို့မြင်ရတာ"လို့ ဆိုပါတယ်။

အဲ့ဒီ့စစ်ကြောင်းဟာ မေလ ၉ ရက် ဒီနေ့မနက်ပိုင်းမှာ သရက်ပင်ဝန်းကျေးရွာကနေ ၁ မိုင်ခန့်ဝေးတဲ့ မြင်းစီး၊ ပန်းရံ၊ ခွန်တောင်းကြီး စတဲ့ကျူရွာတွေက ကပ်ရပ်ရှိနေတဲ့ စိုက်ပျိုးရေးသိပ္ပံ ကျောင်းထဲမှာ ဝင်ရောက်တပ်စွဲနေတယ်လို့ ပြောပါတယ်။


လက်ရှိမှာ တညအိပ်ထွက်ပြေးတိမ်းရှောင်နေကြရတဲ့ ကျေးရွာဒေသခံတွေဟာ မိမိတို့ကျေးရွာထဲကို ဒီမနက် ၉ နာရီကျော်လောက်မှာ ပြန်လည်ဝင်ရောက်နေထိုင်ကြရတယ်လို့ သိရပါတယ်။


သရက်ပင်ဝန်းကျေးရွာကို မီးရှို့ထွက်သွားတဲ့ စစ်ကြောင်းဟာ မေလ ၈ ရက် မနက် ၈ နာရီကျော်မှာ ခင်ဦးမြို့နယ်၊ မြကန်ကျေးရွာ၊ အောင်သာရွာ၊ ကုန်းသာရွာတို့ကို လက်နက်ကြီးတွေပစ်ခတ် ဝင်ရောက်စစ်ကြောင်းထိုးခဲ့သေးတယ်လို့ သိရပါတယ်။

စာတည်း- ဇို
#မြေလတ်အသံ