တောင်ငူ၊ စစ်တောင်းတံတားပေါ်ကနေ တက္ကသိုလ်ကျောင်းသား ၁ ဦး ခုန်ချမှုဖြစ်ပွား

ပဲခူးတိုင်း၊ တောင်ငူမြို့အရှေ့ဘက်အထွက် စစ်တောင်းတံတားပေါ်ကနေ စစ်တောင်းမြစ်အတွင်းကို ကွန်ပျူတာတက္ကသိုလ်ကျောင်းသား ၁ ဦး ခုန်ချမှုဖြစ်ခဲ့တယ်လို့ ဒေသခံတွေဆီက သိရပါတယ်။

ဇွန် ၂၆ ရက် ညနေ ၄ နာရီကျော်မှာ ကေတုမတီမြို့သစ်မှာနေထိုင်တဲ့ တောင်ငူကွန်ပျူတာတက္ကသိုလ် ဒုတိယနှစ်ကျောင်းသား အသက် ၂၄ နှစ်အရွယ် ကိုရှိုင်းထက်အောင်ဟာ တံတားပေါ်ကနေ ခုန်ချသွားခဲ့တာလို့ ဆိုပါတယ်။

" ‘အားလုံးပဲ တာ့တာ ပါခင်ဗျာ’ ဆိုပြီး သူ့ Facebook မှာတင်ပြီး ခုန်ချသွားတာ။ သိရသလောက်က မိသားစု ပြသနာလေးတွေရှိတယ်လို့လည်း သိရတယ်။ သူခုန်ချသွားတာကိုတော့ မိသားစုတွေ လာရှာရာကနေ သိကြရတာ"လို့ ဒေသခံတဦးကပြောပါတယ်။

ကိုရှိုင်းထက်အောင် ခုန်ချသွားပြီးနောက် ဒေသခံတွေနဲ့လူမှုကူညီရေးအသင်းတွေက ရှာဖွေနေခဲ့ပြီး ဇွန် ၂၇ ရက် ဒီမနက်ပိုင်းအထိ မတွေ့သေးဘူးလို့လည်း ဆိုပါတယ်။ 

ယခုလိုစစ်တောင်းတံတားပေါ်က ခုန်ချတဲ့ဖြစ်စဥ်ဟာ လွန်ခဲ့တဲ့ ၅ နှစ်ကျော်လောက်ကလည်း တကြိမ်ဖြစ်ခဲ့ဖူးသေးတယ်လို့ ဒေသခံတွေက ပြောပါတယ်။

စာတည်း - လင်း 

#မြေလတ်အသံ

#ပဲခူး #တောင်ငူ #စစ်တောင်းတံတား #ခုန်ချမှုဖြစ် #ကျောင်းသား