Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
တောင်သူတွေထောက်ပံ့တဲ့လယ်မှာ တပ်ဖွဲ့ရိက္ခာအတွက် စပါးစိုက်ပျိုး (ရုပ်/သံ)
စစ်ကိုင်းတိုင်း၊ ယင်းမာပင်မြို့မှာ ယင်းမာပင်ခရိုင် တပ်ရင်း အမှတ် ၂၀၊ ရိုးမရာဇာ နယ်စည်းမခြားတပ်ရင်းက ရဲဘော်ရဲမေတွေဟာ တပ်ရင်းရိက္ခာဖူလုံဖို့အတွက် ဒေသခံတောင်သူတွေ ထောက်ပံ့ပေးတဲ့လယ်မှာ စပါးစိုက်ပျိုးခဲ့ကြပါတယ်။
သြဂုတ် ၂၉ ရက်ကနေ ၃၁ ရက်အထိ ၃ ရက်တာမှာ ရဲဘော်ရဲမေ အင်အား ၅၀ လောက်နဲ့ စိုက်ပျိုးခဲ့ကြတယ်လို့ ယင်းမာပင်ခရိုင် တပ်ရင်းအမှတ် ၂၀၊ ရိုးမရာဇာ နယ်စည်းမခြားတပ်ရင်း ခေါင်းဆောင် ဗိုလ်လဂွန်းအိမ်က ပြောပါတယ်။
တပ်ရင်းအခြေစိုက်ရာ ဒေသအနီးမှာရှိတဲ့ ဒေသခံတောင်သူတွေထောက်ပံ့ထားတဲ့ လယ် ၃ ဧကမှာ စိုက်ပျိုးခဲ့ကြတာဖြစ်ပြီး စိုက်ပျိုးရေးမှာကျွမ်းကျင်မှုမရှိတာကြောင့် ၃ ရက်ခွဲလုပ်ခဲ့ရတာလို့လည်း ဆိုပါတယ်။
အထောက်အပံ့ရရှိမှုအားနည်းပြီး ရိက္ခာလိုအပ်နေတဲ့သူတို့အဖို့ လက်ရှိစိုက်ပျိုးထားတဲ့လယ်ကနေ စပါးတင်း ၂၀၀ လောက်ထွက်ရှိနိုင်မယ်လို့ ခန့်မှန်းထားပြီး ဒါဟာ တပ်ရင်းအတွက် တထောင့်တနေရာက အထောက်အကူ ဖြစ်စေမယ်လို့လည်း ဗိုလ်လဂွန်းအိမ်က ပြောပါတယ်။
ဗိုလ်လဂွန်းအိမ်တို့ တပ်ဖွဲ့ဟာ စစ်ကိုင်းတိုင်း၊ ယင်းမာပင်မြို့မှာအခြေစိုက်ထားပြီး ရဲဘော်ရဲမေအင်အား ၂၅၀ လောက်နဲ့ စစ်ကောင်စီကိုတော်လှန်တိုက်ခိုက်နေတဲ့အဖွဲ့တခုလည်း ဖြစ်ပါတယ်။
စာတည်း - လင်း၊ တည်းဖြတ် - HP
#မြေလတ်အသံ
#စစ်ကိုင်း #ယင်းမာပင် #တောင်သူ #စပါးစိုက်ပျိုး
Share Share Share