တော်လှန်ရေးနှင့် သစ်တောပြုန်းတီးမှု (ရုပ်သံဆောင်းပါး)

ကမ္ဘာပေါ်ရှိ လူတော်တော်များများသည် ပူပြင်းခြောက်သွေ့သော ရာသီဥတုထက် စိမ်းစိုလန်းဆန်းသော ရာသီဥတုကိုသာ ကြိုက်နှစ်သက်ကြသည်။ တောတောင်သစ်ပင်များသည် အပူဒဏ်သက်သာစေပြီး အေးမြသော အရိပ်အာဝါသကိုပေး၏။ 

လေထုညစ်ညမ်းမှုကိုဖြစ်စေသော ကာဗွန်ဒိုင်အောက်ဆိုဒ်ဓါတ်ငွေ့ကို စုပ်ယူပြီး လူများ၊ သတ္တဝါများနှင့် သက်ရှိများအတွက် မရှိမဖြစ်လိုအပ်သော အောက်ဆီဂျင်ဓါတ်ငွေ့ကို ထုတ်ပေး၏။ သစ်တောများသည် မိုးခေါင်ခြင်းကို တာဆီးပေးပြီး မြေအောက်ရေရရှိမှုအတွက် များစွာအကျိုးပြု၏။ 

မြေဆီလွှာတိုက်စားမှုကိုလည်း ကာကွယ်ပေးပြီး လေထုကို အေးမြစေ၏။ ထို့ကြောင့် သစ်တောများသည် လူသားများသာမက သက်ရှိသတ္တဝါအားလုံးအတွက် များစွာအကျိုးပြုနေပြီး ကမ္ဘာပေါ်တွင် သစ်ပင်များမရှိပါက သက်ရှိသတ္တဝါအားလုံး မျိုးတုံးပျောက်ကွယ်သွားနိုင်ပါသည်။

သစ်ပင်တို့သည် လူသားတို့အတွက် အကျိုးကျေးဇူးများစွာ ပေးစွမ်းနေသော်ငြားလည်း မြန်မာနိုင်ငံတွင် ခေတ်အဆက်ဆက် သစ်တောပြုန်းတီးမှုကို ထိန်းချုပ်နိုင်ခြင်းမရှိပေ။ မြန်မာနိုင်ငံတွင် အစိုးရအဆက်ဆက်သည် နိုင်ငံခြားဝင်ငွေ ရရှိစေရန် သစ်ထုတ်လုပ်မှုကို စည်းကမ်းမဲ့စွာ တရားဝင်လုပ်ကိုင်ခဲ့ကြပြီး ပြုန်းတီးသွားသည့် သစ်တောများကို ပြန်လည်စိုက်ပျိုးခြင်း မရှိခဲ့သည့်အတွက် မြန်မာ့သစ်တောအများစုသည် သစ်တောပြုန်းတီးမှုဒဏ်များနှင့် ကြုံတွေ့နေရပါသည်။ 

ပြင်ပဆောင်းပါးရှင် - ကိုနေ့သစ်၊ တည်းဖြတ် - HP

#မြေလတ်အသံ

#ဆောင်းပါး #သစ်တော #ပြုန်းတီးမှု #သစ်တောကြိုးဝိုင်း