ထီးလင်းမှာ တိုက်ပွဲဖြစ်ပြီး စစ်ကောင်စီဘက်က ၇ ဦးခန့်သေဆုံးဟုဆို

“အောင်းမြောက်ရွာအရှေ့နား အသင့်စောင့်ဆိုင်းပြီး ပစ်ခတ်ခဲ့တာ၊ တိုက်ပွဲချိန်က မိနစ် ၂၀ လောက် ကြာခဲ့တယ်၊ ၇ ဦးသေပြီး ဒဏ်ရာရရှိသူတွေရှိတယ်၊ တိုက်ပွဲဖြစ်ပွားချိန်မှာ ဂျက်ဖိုင်တာ ၁ စီး ဝဲလာတာကြောင့် အဖွဲ့တွေ အမြန်ဆုတ်ခွာခဲ့ရတယ်” လို့ ပြောပါတယ်။

အဆိုပါ စစ်ကောင်စီစစ်ကြောင်းဟာ ပဲခူးအခြေစိုက် တမခ ၇၇ လက်အောက်ခံဖြစ်ပြီး၊ ထီးလင်းနယ်အပိုင် အောင်းမြောက်ရွာအနီးမှာ အပြန်အလှန်ပစ်ခတ်ခဲ့တာဖြစ်သလို ကာကွယ်ရေးရဲဘော်တွေဘက်က ထိခိုက်မှုသေဆုံးမှု မရှိခဲ့ဘူးလို့လည်း ဆိုပါတယ်။

တိုက်ခိုက်မှုကို Yaw Revolution Army-ထီးလင်း နဲ့ ဂန့်ဂေါခရိုင်တပ်ရင်း (၁၈) - YNRF တို့က ပူးပေါင်းလုပ်ဆောင်ခဲ့တာပါ။ စစ်ကောင်စီဘက်က သေဆုံးမှုတွေကို မြေပြင်တိုက်ခိုက်ရေး ရဲဘော်တွေရဲ့ မျက်မြင်အရ အတည်ပြုနိုင်ခဲ့တယ်လို့ ဆိုပေမယ့် မြေလတ်အသံက သီးခြား အတည်မပြုနိုင်သေးပါဘူး။

လက်ရှိအဲ့ဒီစစ်ကြောင်း ၂ ကြောင်းဟာ အောင်းမြောက်ရွာမှာပဲရှိ‌နေပြီး ဒဏ်ရာရသူတွေကို ဆေးကုသမှုတွေ လုပ်နေတယ်လို့ သိရပါတယ်။

ပြီးခဲ့တဲ့ ဧပြီလ ၂၀ ရက်ကလည်း ထီးလင်းမြိုန့ယ်၊ ပုဇင်းချောင်ကျေးရွာက နေအိမ်တွေကို မီးရှို့ပြီးထွက်လာတဲ့ စစ်ကြောင်းကို Yaw Revolution Army - ထီးလင်း အဖွဲ့က ခြုံခိုတိုက်ခိုက်ခဲ့ရာ ၄ ဦး သေဆုံးခဲ့တယ်လို့ သိရပါတယ်။

ပုံစာ - ရှေ့တန်းတနေရာမှ Yaw Revolution Army - ထီးလင်း တပ်ဖွဲ့ဝင်များ။ (ပုံဟောင်း)

စာတည်း - လင်း
#မြေလတ်အသံ