ဒရုန်းဗုံးနဲ့လက်နက်ကြီးစထိမှန်လို့ ပြည်သူ ၁ ဦးသေပြီး နေအိမ် ၇ လုံးမီးလောင်

ပဲခူးတိုင်း၊ အုတ်တွင်းမြို့နယ်၊ ထန်းကုန်းကျေးရွာမှာ စစ်ကောင်စီတပ်ဖွဲ့ဝင်တွေက ဒရုန်းနဲ့ဗုံးကြဲချခဲ့အတွက် ပြည်သူ ၁ ဦးသေဆုံးပြီး ၄ ဦးဒဏ်ရာရကာ နေအိမ် ၇ လုံးမီးလောင်ပျက်စီးခဲ့တယ်လို့ တောင်ငူခရိုင် ၃၅၀၂ တပ်ရင်း ပြန်ကြားရေးတာဝန်ရှိသူဆီက သိရပါတယ်။

မတ် ၂၂ ရက် ညနေ ၄ နာရီခန့်မှာ ကံကလေး နဲ့ ပေါက်ကုန်းကျေးရွာမှာ တပ်စွဲထားတဲ့ စစ်ကောင်စီတပ်ဖွဲ့ဝင်တွေက ထန်းကုန်းကျေးရွာထဲကို ဒရုန်းနဲ့ဗုံး ၃ လုံးကြဲချခဲ့တဲ့အတွက် ကျေးရွာကွမ်းယာဆိုင်အနီးရှိနေတဲ့ အသက် ၂၅ နှစ်အရွယ် ကိုစန်းလင်းအောင်၊ အသက် ၅၀ ကျော်အရွယ် ဒေါ်ဌေးဌေး၊ အသက် ၃၀ ဝန်းကျင် ကိုဇော်မိုး၊ ကိုထွန်းနိုင်၊ မသူဇာမြင့်တို့ ထိခိုက်ဏ်ရာရခဲ့ပါတယ်။ 

ထိခိုက်သူတွေကို နီးစပ်ရာဆေးခန်းတွေမှာဆေးကုသနေစဥ် ညနေ ၆ နာရီကျော်မှာ ကိုစန်းလင်းအောင် သေဆုံးသွားခဲ့ပြီး ကျန်သူတွေကတော့ မတ် ၂၄ ရက်အထိ ဆေးကုသမှုခံယူနေရတယ်လို့ ဆိုပါတယ်။ 

"ဒရုန်းချတာက ၃ လုံး။ ခြင်းကွင်းထဲ ၁ လုံးကျတယ်။ ခြင်းကွင်းထဲကတော့လူမထိဘူး။ ကွမ်းယာဆိုင်လေးနားကိုကျတာမှာ လူတွေထိကုန်တာ။ နောက်တရက် အိမ်မီးလောင်တာကကျတော့ လက်နက်ကြီးဆိုပေမယ့် ရှော့တိုက်ပစ်တဲ့အရာမျိုးအိမ်တွေပေါ်ကျတာနဲ့မီးလောင်တာ"လို့ တောင်ငူခရိုင်  ၃၅၀၂ တပ်ရင်း ပြန်ကြားရေးတာဝန်ခံ ကိုစွန်ရဲကပြောပါတယ်။

ဒါ့ပပြင် မတ် ၂၃ ရက်နေ့လယ် ၁ နာရီကျော်မှာလည်း ညောင်ခြေထောက်မှာတပ်စွဲထားတဲ့ စစ်ကောင်စီတပ်ဖွဲ့ဝင်တွေက လက်နက်ကြီးနဲ့ပစ်ခတ်ခဲ့ရာ ထန်းကုန်းကျေးရွာထဲကို ၂ လုံးကျရောက်ပေါက်ကွဲပြီး နေအိမ် ၇ လုံးမီးလောင်ပျက်စီးခဲ့ပါတယ်။

ထန်းကုန်းကျေးရွာမှာ အိမ်ခြေ ၂၀၀ ကျော်ရှိပြီး ၂၀၂၄ ဒီဇင်ဘာလက ရွာအနီးဖြစ်ပွားခဲ့ချိန် ကတည်းက တိုက်ပွဲကတည်းက ဒေသခံတွေဟာ ရွာမှာအတည်တကျမနေထိုင်ဘဲ ရှောင်တိမ်းနေကြတယ်လို့လည်း အထက်ပါပြန်ကြားရေးတာဝန်ကခံဆီ သိရပါတယ်စာတည်း - လင်း

#မြေလတ်အသံ

#ပဲခူး #အုတ်တွင်း #ဗုံးကြဲ #တိုက်ခိုက်