နွေစပါးစိုက်ဖို့ လယ်ယာပေါင်ကာ မျိုးစပါးဝယ်နေရပြီး အရင်းမရှိဖြစ်နေ

စစ်ကိုင်းတိုင်းထဲက တောင်သူအများစုဟာ စစ်ကောင်စီရဲ့စစ်ကြောင်းထိုး မီးရှို့ဖျက်စီးတာတွေကြောင့် ပိုင်ဆိုင်မှုတွေ မီးထဲပါသွားခဲ့ပြီး နွေစပါးစိုက်ပျိုးဖို့အတွက် ငွေကြေးမတတ်နိုင်ကြတော့ဘဲ လယ်ယာတွေပေါင်ပြီး စိုက်ပျိုးဖို့ အရင်းနှီးရှာနေရတယ်လို့ သိရပါတယ်။

စပါးရောင်းချချိန်တုန်းကတော့ ၁ တင်းကို ၉ ထောင်နဲ့ရောင်းခဲ့ရပြီး အခုမျိုးစပါးပြန်ဝယ်ယူချိန်မှာတော့ ၁ တင်းကို ၂ သောင်းကျော်နဲ့ ဝယ်နေရကာ၊ မီးရှို့ခံထားရတဲ့ အိမ်တွေပြန်ဆောက်ဖို့ ကုန်ကျစရိတ်တွေလည်း ရှိနေသေးတာကြောင့် အရင်းနှီးစိုက်ထုတ်ဖို့ မလုပ်နိုင်ဖြစ်နေတယ်လို့ ဆိုပါတယ်။