ပခုက္ကူမှာ မသန်စွမ်းအမျိုးသား ၁ ဦးအပါအဝင် ၃ ဦးကို စစ်တပ်က သေနတ်နဲ့ပစ်သတ်

မကွေးတိုင်း၊ ပခုက္ကူမြို့နယ်၊ စညောင်းရွာက မသန်စွမ်းအမျိုးသား ၁ ဦးအပါအဝင် ၃ ဦးကို ဧပြီ ၈ ရက် မနေ့က ညပိုင်းမှာ စစ်ကောင်စီတပ်တွေက သေနတ်နဲ့ပစ်သတ်သွားတယ်လို့ ဒေသခံတွေဆီက သိရပါတယ်။ 

အသက် ၃၀ အရွယ် မသန်းစွမ်းသူ ကိုသန်းဌေးဦး၊ အသက် ၂၈ နှစ်အရွယ် ကျောင်းဆရာမ ၁ ဦး နဲ့ သူရဲ့ အဖေတို့ကို ရွာအနောက်ဘက်ပိုင်းမှာ ည ၇ နာရီလောက်က ပစ်သတ်သွားတာလို့ ဒေသခံတဦးက ပြောပါတယ်။

“ ဆရာမအသက်က၂၈ ဝန်းကျင်ရှိတယ်၊ သူ့အဖေနဲ့ တောထဲက ခရမ်းချဉ်‌ခင်း စောင့်နေတာ စစ်သားတွေက ပစ်သတ်သွားကြတယ်။ သားဖနှစ်ယောက်လုံးပေါ့။  တစ်ယောက်က ရွှေအ၊ စကားမပြောတတ်၊ နားမကြားဘူး၊  ရွာအနောက်ဘက်ထန်းတောမှာ ထန်းတက်တာတွေ့တော့ ပစ်သတ်သွားကြတယ်၊ ရွာကလူတွေလည်း ပြေးနေရတော့ အခုမနက်မှသိရတယ်၊” လို့ သူကပြောပါတယ်။  

အဲ့ဒီတပ်တွေဟာ စညောင်းရွာအနီးက မြစ်ဖျားရွာကိုနေ့လည်ပိုင်းမှာ  မီ:ရှို့ဖျက်ဆီးခဲ့ပြီး၊ ညနေ ၆ နာရီလောက်မှ အင်းအား ၁၀၀ ကျော်နဲ့  ရွာထဲကိုစစစ်ကြောင်းထိုးဝင်ရောက်လာတာဖြစ်သလို နေအိမ်မီးရှို့တာတွေတော့ လုပ်မသွားဘူးလို့လည်း ဒေသခံတဦးက ဆက်ပြောပါတယ်။ 

စညောင်းရွာမှာ အိမ်‌ခြေ ၂၂၀ နဲ့ လူဦးရေ ၁၀၀၀ ကျော်နေထိုင်ပြီး၊ စစ်တပ်ကဝင်ရောက်လာချိန်ကတည်းက ရွာသားအားလုံးနီးပါးက တိမ်းရှောင်နေခဲ့ပြီး၊ လက်ရှိအချိန်ထိလည်း ရွာထဲကိုပြန်မဝင်ရဲကြသေးလူးလို့လည်း သိရပါတယ်။

 #မြေလတ်အသံ