ပဇီကြီးရွာအတွက် သွေးကြွေးတောင်းတဲ့အနေနဲ့ စစ်ကောင်စီတပ်ကို ပစ်ခတ်လို့ သေဆုံးမှုများနိုင်

“ဝေဟင်ပစ်မရဘူး၊ ဂျန်ဘာတွေရှိတယ်ဆိုလို့ ရှော့တိုက်ဒုံးတွေနဲ့ပစ်ခဲ့တာ။ သေဆုံးမှုက များနိုင်တယ်ဗျ၊ ပထမဆုံး ၆၀ မမ တလုံးက ‌ကင်းစောင့်တဲ့ ကင်းတဲထဲကိုကျတယ်။ နောက်ထပ်က သူတို့အိပ်တဲ့နေရာနားကို ၆ လုံးဆက်တိုက်ကျတယ်၊ အဲ့တာကြောင့် သေဆုံးကတော့များနိုင်ပါတယ်" လို့ Snipe Rangers Force တပ်ဖွဲ့တာဝန်ခံ ရဲဘော်ဆလိုင်းက မြေလတ်အသံကို ပြောပါတယ်။

တိုက်ခိုက်မှုကြောင့် စစ်ကောင်စီတပ်သား ၃ ဦးသေဆုံးပြီး ဒဏ်ရာရတပ်သားတွေကို လူနာတင်ကားနဲ့ မုံရွာမြို့ထဲကို ခေါ်သွားတယ်လို့လတ်တလောသိထားရပြီး သေဆုံးအရေအတွက် ထပ်တိုးနိုင်သေးတယ်လို့လည်း ဆိုပါတယ်။

တိုက်ခိုက်မှုကို Snipe Rangers Force (S.R.S.F)တပ်ဖွဲ့၊ နွေဦးရဲဘော် တပ်ဖွဲ့၊ Peacock King တပ်ဖွဲ့၊ Black Dragon P.D.F ပျောက်ကျားတပ်ဖွဲ့၊ မုံရွှာ အမှတ် (၁) တပ်ရင်း ခွဲ ၄၊ မုံရွာခရိုင် ရင်း ၂၇ ခွဲ ၂၊ God Of Snike စတဲ့အဖွဲ့တွေ ပူးပေါင်းလုပ်ဆောင်ခဲ့တာလည်း ဖြစ်ပါတယ်။

ဒါ့အပြင် ကန့်ဘလူမြို့နယ်၊ ပဇီကြီးရွာအတွက် သွေးကြွေးပြန်တောင်းမယ့် မစ်ရှင်တွေက ဆက်တိုက်ရှိနေမှာဖြစ်တဲ့အတွက် ပြည်သူတွေအနေနဲ့ စစ်အုပ်စုတွေနဲ့အနည်းဆုံး တမိုင်ခန့်အကွာအဝေးမှာ နေကြဖို့လည်း သတိပေး ပြောဆိုထားပါတယ်။

စာတည်း- ရင်ငြိမ်း
#မြေလတ်အသံ