Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ပအဖ ရုံးဖွင့်ပွဲ တိုက်လေယာဥ်နဲ့ လာပစ်လို့ ကလေးငယ်တွေအပါအဝင် ၁၀၀ဝန်းကျင်သေဆုံး (ရုပ်သံ)
စစ်ကိုင်းတိုင်း၊ ကန့်ဘလူခရိုင် မလည်တိုက်နယ် ပဇီကြီးရွာမှာ ပြည်သူ့အုပ်ချုပ်ရေးအဖွဲ့ (ပအဖ) ရုံးဖွင့်ပွဲ ပြုလုပ်နေချိန် စစ်ကောင်စီက လေယာဉ်နဲ့ လာရောက်ပစ်ခတ်ခဲ့လို့ ကလေးသူငယ်တွေအပါအဝင် ဒေသခံပြည်သူ ၁၀၀ ဝန်းကျင်သေဆုံးနိုင်ပြီး ၅၀ နီးပါး ထိခိုက်ဒဏ်ရာရခဲ့ပါတယ်။
ဧပြီလ ၁၁ ရက် ဒီနေ့ မနက် ၇ နာရီကျော်လောက်မှာ တံတားဦးလေတပ်ဆွယ်က တက်လာတဲ့ ဖိုက်တာ ၁ စီးဟာ ပဇီကြီးရွာ ပအဖရုံးဖွင့်ပွဲကို လေကြောင်းကနေ ပထမအကြိမ် ဗုံးကြဲတိုက်ခိုက်သွားခဲ့ပြီး၊ နောက်ထပ်နာရီဝက်အကြာမှာ နမခ ကနေ ထပ်တက်လာတဲ့ Mi-35 တိုက်ခိုက်ယာဥ် ၁ စီးဟာ ပဇီးကြီးရွာပတ်ပတ်လည်ကို ဒုတိယအကြိမ် လေကြောင်းပစ်ခတ်တိုက်ခိုက်ခဲ့တယ်လို့ ကန့်ဘလူဒေသခံတဦးက ပြောပါတယ်။
လေယာဉ် ၂ စီး နဲ့ အလှည့်ကျ ၁၀ မိနစ်ဝန်းကျင်လောက်လာပစ်သွားတာဖြစ်တဲ့အပြင် ထမင်းကျွေးရုံဘက်ကို ဗုံးချသွားတာဖြစ်လို့ သေဆုံးသူအများစုဟာ အရပ်သားတွေဖြစ်တယ်လို့ ပြောပါတယ်။
အခုလက်ရှိအချိန်မှာ ပဇီကြီးကျေးရွာထဲမှာ ထိခိုက်သေဆုံးမှုတွေ များနေတဲ့အတွက်ရှင်းလင်းရေး လုပ်ဆောင်ဖို့ ခက်ခဲနေတဲ့ အခြေအနေရှိနေတယ်လို့ သိရပါတယ်။
#မြေလတ်အသံ