ပဲခူးမြို့နယ်မှာ လေပြင်းကြောင့် နေအိမ် ၇၀ ကျော်ပျက်စီး

"မိုးက တနေ့ (မေ ၁၃ )ကညကတည်းက ရွာတာ။ မနေ့မနက်ပိုင်းက စပြီးပိုရွာတယ်။ ညပိုင်းတွေမှာတော့ လေပြင်းတိုက်တာတွေရှိတယ်။ ထိခိုက်ပျက်စီးမှုကတော့ မြိုပေါ်တွေမှာရော ရွာတွေဘက်မှာရောဘဲ။ ရွာတွေမှာက ပိုများတယ်"လို့ ပြောပါတယ်။

လေပြင်းတိုက်ခတ်မှုကြောင့် ဝါးပျံကုန်းကျေးရွာက အိမ်ခြေ ၅၀ ခန့်၊ ပေပင်ချောင်းကျေးရွာအုပ်စုက ၃ လုံး၊ ကမ်းမြင့်ကျေးရွာအုပ်စုက ၁၆ လုံး၊ ရွာသစ်ကိုင်းတာအုပ်စုက ၄ လုံး၊ ပျဥ်ပုံကြီးက ၆ လုံး၊ ဥသာမြို့သစ် ၁ လုံးနဲ့ ရွှေပြည်အေး ၁ လုံးတို့ အမိုးလန်ပျက်စီးသွားတယ်လို့ ဆိုပါတယ်။

ဒါ့အပြင် သစ်ပင်တွေလဲပြိုကျလို့ လမ်းပိတ်တာနဲ့ သစ်စိမ့်ကုန်းတံတား တဝက်ခန့်ပျက်ဆီး၊ တာဝါတိုင်တခု ပြိုလဲတာတွေလဲရှိခဲ့တယ်လို့ ဒေသခံတွေက ဆိုပါတယ်။

မိုးရွာပြီးလေပြင်းတိုက်လို့ ထိခိုက်ပျက်စီးမှုတွေကိုတော့ မီးသတ်၊ ဒေသခံ လူမှုကူညီရေးအဖွဲ့တွေနဲ့ ဒေသခံပြည်သူတွေက ဝိုင်းဝန်းရှင်းလင်းနေတယ်လို့ သိရပါတယ်။

စာတည်း - လင်းဇေ
#မြေလတ်အသံ
#ပဲခူး #လေပြင်းတိုက်ခတ်#ပျဥ်ပုံကြီး