Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ဖမ်းဆီးထားတဲ့ တရုတ်နိုင်ငံသူအပါ ၂ ဦးကို LPDF တွေပြန်လွှတ်ပေး
မကွေးတိုင်းဒေသကြီး၊ ပခုက္ကူမြို့နယ်၊ ပဒိုင်းခြုံကျေးရွာအနီးရှိ Myanmar Effort company Limited ကနေ ဒေသတွင်းလက်နက်ကိုင်အဖွဲ့တွေဖမ်းဆီးသွားတဲ့ တရုတ်နိုင်ငံသူအပါ ၂ ဦးကို ပြန်လွှတ်ပေးလိုက်ပြီလို့ သိရပါတယ်။
သူတို့ ၂ ဦးကို ဇန်နဝါရီလ ၂၈ ရက်ညနေပိုင်းမှာ လုံခြုံစိတ်ချရတဲ့ သူတို့စက်ရုံအနီးထိရောက်အောင် ပြန်ပို့ပေးခဲ့တယ်လို့ ပခုက္ကူ ပကဖ တာဝန်ရှိသူက ပြောပါတယ်။
"ဖမ်းသွားတာက LPDF အဖွဲ့တွေက ဖမ်းသွားတာ။ စကစ နဲ့ပတ်သက်တယ်ဆိုပြီးတော့ဖမ်းတာ။ LPDF အဖွဲ့တွေကိုတော့ သတင်းပေးဒလန်မလုပ်ရင်၊ ပြည်သူကို ဒုက္ခမပေးရင် ဖမ်းလို့မရဘူးဆိုပြီး ရှင်းပြခဲ့တယ်။ ပကဖ က ညှိနှိုင်ပေးပြီး ပြန်လွှတ်ပေးဖို့ပြောခဲ့လို့ ပြန်လွှတ်ပေးလိုက်ပြီးဖြစ်ပါတယ်"လို့ ပြောပါတယ်။
ခုလိုပြည်သူအချို့ကို အကြောင်းအရာမခိုင်လုံဘဲ ဖမ်းဆီးမှုအပေါ် အမျိုးသားညီညွှတ်ရေးအစိုးရ NUG ရဲ့ လမ်းညွှန်ချက်နဲ့အညီ အရေးယူနိုင်ဖို့လုပ်ဆောင်သွားမယ်လို့လည်း ဆိုပါတယ်။
အထည်ချုပ်စက်ရုံ မန်နေဂျာ ဦးမျိုးဇင်ဝင်းဆိုသူနဲ့ တရုတ်နိုင်ငံသူ Ms. GU ZHEN ZHEN တို့ ၂ ဦးကို ပြီးခဲ့တဲ့ဇန်နဝါရီလ ၂၆ ရက်မနက်ပိုင်းမှာ ဒေသတွင်းလက်နက်ကိုင်အဖွဲ့ ၃ ဖွဲ့က စက်ရုံကနေ ဝင်ရောက်ဖမ်းဆီးသွားပြီး ထိန်းသိမ်း ထားခဲ့တာလို့လည်း သိရပါတယ်။
ဒေသလက်နက်ကိုင်အဖွဲ့တွေဟာ အဆိုပါ ၂ ဦးကို ဝင်ရောက်ဖမ်းဆီးချိန်မှာ စက်ရုံလုံခြုံရေးအစောင့်အချို့ကိုပါ ရိုက်နှက်ခဲ့တာကို ထွက်ပေါ်နေတဲ့ CCTV မှတ်တမ်းတွေအရ သိရတယ်လို့လည်း စစ်ကောင်စီဝါဒဖြန့် တယ်လီဂရမ်ချန်နယ်တွေမှာ ရေးသားထားပါတယ်။
ပခုက္ကူမြို့နယ်ထဲမှာ အခုလိုဖြစ်စဥ်နည်းတူ ဒေသတွင်းလုပ်ငန်းရှင်အချို့လည်း ဖမ်းဆီးခံရတာတွေရှိနေတာကြောင့် လုပ်ငန်းရှင်ကြီးအချို့မှာ ပခုက္ကူမှာမနေရဲတော့ဘဲ နေရာပြောင်းရွှေ့နေထိုင်တာတွေရှိနေတယ်လို့ ဒေသခံတွေဆီက သိရပါတယ်။