ဘုရားကြီးမြို့ဂိတ်မှာ X-ray ဖြတ်ပြီးသား ကားတွေကို ရဲတွေက ငွေအတင်းလိုက်တောင်းနေ

“ပတ်ကင်းကားပုံစံနဲ့ လာသမျှကားတွေကို ငွေညစ်နေတာ၊ အဲ့ဒီဘက်မှာ စစ်တပ်ကတောင် အဲ့လောက်မဟုတ်တော့ဘူး။ သူတို့ရဲတွေပဲ တော်တော်ဆိုးဆိုးဖြစ်နေတာ၊ စကားအပြောဆိုမတတ်တဲ့သူတွေဆို စခန်းထဲအထိ ခေါ်သွားပြီး ငွေညစ်တယ်။ ကျနော်တို့မှာ ဟိုလည်းပေးရ ဒီလည်းပေးရ၊ လုံခြုံရေးကို အကြောင်းပြပြီး ကုန်တင်ကားတွေ Express တွေကို ပြဿနာမရှိ၊ ပြဿနာရှာ သေနတ်ပြပြီး ဓားမြတိုက်နေသလိုပါပဲ” လို့ ပြောပါတယ်။

အဲ့ဒီ နယ်ထိန်းရဲဦးဆောင်တဲ့အဖွဲ့ဟာ ရန်ကုန်-မော်လမြိုင်လမ်း၊ ရန်ကုန်-မန္တလေး(လမ်းဟောင်း) ကားလမ်းပိုင်းတွေမှာ အဓိကထား မတရားငွေကောက်ခံတာတွေ လုပ်နေပြီး ကားအဝင်များတဲ့ လမ်းတွေကိုပဲ ဦးစားပေးစစ်ဆေးပြီး ပိုက်ဆံတောင်းနေတာ ဖြစ်တယ်လို့ ဆိုပါတယ်။

“တဂိတ်ကို အနည်းဆုံးက ၅၀၀၊ ၁၀၀၀ပဲ။ တ‌ခါကားထွက်ရင် မြဝတီအထိဆို ဂိတ်ပေါင်းက ၂၀ နဲ့အထက်ပဲ မရေတွက်နိုင်ဘူး၊ ကြာတော့ မကိုက်တော့ဘူးလေ။ ရှာသမျှက သူတို့ဂိတ်ကြေးပေးရတာနဲ့ပဲ ကုန်သွားတယ်" လို့ ပဲခူးမြို့အခြေပြုပြီး ကုန်ကားမောင်းနှင်နေသူတဦးက ပြောပါတယ်။

ဘုရားကြီးမြို့မှာရှိတဲ့ ရွှေသံလွင်စစ်ဆေးရေးဂိတ်ဟာ ပြည်သူတွေ တိုင်ကြားတာကြောင့် ပြီးခဲ့တဲ့နှစ် ဖေဖော်ဝါရီလထဲက ဖျက်သိမ်းလိုက်တာဖြစ်ပြီး၊ အဲ့ဒီနောက်မှာတော့ ဂိတ်မထိုင်တော့ဘဲ ကားနဲ့လှည့်ကာ ငွေတောင်းခံတာတွေ လုပ်နေတာဖြစ်တယ်လို့ ဆိုပါတယ်။

ပုံစာ - ဘုရားကြီးမြို့တိုးဂိတ်။ (ပုံဟောင်း)

စာတည်း - ရင်ငြိမ်း
#မြေလတ်အသံ