မီးဖို မီးကြွင်းမီးကျန်ကနေ မီးလောင်လို့ နေအိမ် ၃ လုံး ပြာကျ

"မီးဖို မီးကြွင်းမီးကျန်ကနေ စလောင်တာပါ။ ဒီဘက်ခြမ်းက ထင်းမီးသုံးတာ များတယ်။ သတိမထားမိတော့ မီးလောင်ရာကနေ ဘေးအိမ်တွေပါ မီးကူးကုန်တယ်။ အိမ်တွေကတော့ လုံးဝအကုန်ပဲ။ မီးလောင်ထားတဲ့ တိုင်တွေလောက်ပဲ ကျန်တယ်" လို့ ပြောပါတယ်။


မီးလောင်တာကြောင့် သွပ်မိုး၊ ပျဥ်ခင်းပျဥ်ကာ နေအိမ် ၃ လုံး မီးလောင်ပျက်စီးခဲ့လို့ ကာလတန်ဖိုး ကျပ်သိန်း ၂၀၀ ခန့် ပျက်စီးဆုံးရှုံးခဲ့ရပြီး၊ အိမ်ထောင်စု ၃ စု၊ လူဦးရေ ၁၀ ဦးကျော် မီးဘေးသင့်လို့ ကျေးရွာဘုန်းကြီးကျောင်းမှာ ယာယီနေထိုင်နေရတယ်လို့ ဆိုပါတယ်။


ဒါ့အပြင် မတ်လ ၁၇ ရက်နေ့မနက် ၈ နာရီခန့်မှာလည်း ကျောက်ဆည်မြို့နယ်၊ ငါးဆူကျေးရွာနေ ဦးစိုးသန်းနေအိမ်ရှိ မီးအားမြှင့်စက်နေ အပူလွန်ကဲပြီး မီးလောက်ရာမှာ နေအိမ်တွေကို မီးကူးစက်လောင်ကျွမ်းခဲ့လို့ နေအိမ် ၄ လုံး မီးလောင်ပျက်စီးခဲ့ပါသေးတယ်။

အလားတူ ဖေဖော်ဝါရီလ ၂၀ ရက်ကလည်း ကျောက်ဆည်မြို့နယ်၊ မြောင်းဦးကျေးရွာမှာ မီးလောင်မှုကြောင့် လူနေအိမ် ၂၅ လုံး မီးလောင်ပျက်စီးခဲ့ပါသေးတယ်။

စာတည်း - လင်း
#မြေလတ်အသံ