Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
မြိုင် စက်မှု ၂ က ထွက်လာတဲ့ စစ်အုပ်စု ပစ်ခတ်ခံရ
မကွေးတိုင်း၊ မြိုင်မြို့နယ်၊ စက်မှု ၂ ဘက်က ထွက်လာတဲ့ စစ်သားနဲ့ ပျူစောထီးတွေ လိုက်ပါလာတဲ့ ဖောကား ၁ စီးဟာ မေလ ၄ ရက် မနက်ပိုင်းမှာ ပစ်ခတ်ခံရပြီး ထိခိုက်သေဆုံးမှုတွေ ရှိနိုင်တယ်လို့ ပြည်သူ့ကာကွယ်ရေးတပ်ဖွဲ့ - မြိုင်မြို့နယ် ပကဖ အဖွဲ့ဆီက သိရပါတယ်။
စစ်သားနဲ့ ပျူစောထီးအင်အား ၄၀ ဝန်းကျင်လိုက်ပါလာတဲ့ ဖောကားကို ဒီနေ့မနက် ၁၀ နာရီဝန်းကျင်က စလင်းကန်ရွာနဲ့ သရက်ကွရွာ အကြားမှာ ပစ်ခတ်တိုက်ခိုက်ခဲ့တာလို့ ဗိုလ်လက်ယာက ပြောပါတယ်။
စစ်သားနဲ့ ပျူစောထီးအင်အား ၄၀ ဝန်းကျင်လိုက်ပါလာတဲ့ ဖောကားကို ဒီနေ့မနက် ၁၀ နာရီဝန်းကျင်က စလင်းကန်ရွာနဲ့ သရက်ကွရွာ အကြားမှာ ပစ်ခတ်တိုက်ခိုက်ခဲ့တာလို့ ဗိုလ်လက်ယာက ပြောပါတယ်။
"စက်မှု ၂ ကနေ သရက်ကွရွာကို ပြန်တာ၊ သရက်ကွရွာနဲ့ စက်မှု ၂ ဆိုရင် ၂ မိုင်ခွဲ ၃ မိုင်လောက်ဝေးတယ်၊ လမ်းတလျှောက်လုံးမှာလည်း ကင်းပုန်းတွေချထားတာ၊ ကင်းပုန်းဝပ်တဲ့နေရာကနေ ကျနော်တို့ဝင်ပစ်တာ၊ ကားကတော့စောင်းသွားတယ်၊ ထိခိုက်သေဆုံးမှုလည်းရှိနိုင်ပါတယ်၊ အတိအကျတော့ မသိရသေးဘူး" လို့ ပြောပါတယ်။
ဖောကားပေါ်မှာ ခလရ ၂၅၁ က စစ်သား ၃၀ ဝန်းကျင်နဲ့ ပျူစောထီး ၁၅ ယောက်လောက်ပါတယ်လို့ သိရပါတယ်။ ပစ်ခတ်မှုဖြစ်ပြီး ကားကတော့ စလင်းကန်ရွာနဲ့ သရက်ကွရွာအကြားမှာ ရပ်ထားဆဲဖြစ်ပြီး ယာဉ်မောင်းအပါ ထိမှန်တယ်လို့လည်း ဆိုပါတယ်။
ဒီတိုက်ခိုက်မှုကို ပြည်သူ့ကာကွယ်ရေးတပ်ဖွဲ့-မြိုင်မြို့နယ် ပကဖ၊ ဝံပုလွေအဖွဲ့၊ ဇေယျာသီအဖွဲ့၊ အညာမြေပျောက်ကျားအဖွဲ့၊ ချင်းတွင်းပျောက်ကြားအဖွဲ့၊ ပခုက္ကူခရိုင်PDF ရင်း ၁၃ တပ်ဖွဲ့၊ စကော်ပီယန်အဖွဲ့၊ MVP အဖွဲ့ နဲ့ MRTF အဖွဲ့တွေက ပူးပေါင်းလုပ်ဆောင်ခဲ့တာလည်း ဖြစ်ပါတယ်။
ပြီးခဲ့တဲ့ မေလ ၂ ရက်ကလည်း မကွေးတိုင်း၊ ပေါက်မြို့နယ်၊ ဆူးလေကုန်းရွာမှာ ရောက်ရှိနေတဲ့ ခလရ ၂၅၁ က စစ်သားတွေကို PDF အဖွဲ့ဝင် ၂ ဦးမှ ဒရုန်းနဲ့ ဗုံးကြဲတိုက်ခိုက်ဖို့ သွားရောက်စဉ် ရွာအဝင်ဝမှာ စစ်ဆေးမှုလုပ်နေတဲ့ စစ်ကောင်စီတပ်သားတွေနဲ့တွေ့ကာ စစ်ဆေးခံရပြီး ပြန်လည်လုံးထွေးတိုက်ခိုက်ခဲ့ရာ စစ်သား ၁ ဦး သေဆုံးခဲ့သလို ပြည်သူ့ကာကွယ်ရေးတပ်ဖွဲ့ - မြိုင်မြို့နယ် ပကဖအဖွဲ့က ရဲဘော်တဦးလည်း သေဆုံးခဲ့တယ်လို့ သိရပါတယ်။
တည်းဖြတ် - ငြိမ်းဇော်
#မြေလတ်အသံ