Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ရန်ကုန်-မန္တလေးလမ်းဟောင်းပေါ်မှာ ကိုယ်ဝန်ဆောင်မိခင်ကို တွဲကားက တိုက်ပြေး
ပဲခူးတိုင်း၊ အုတ်တွင်းမြို့နယ်၊ ဥယျာဉ်တော်(၈၈)သစ်စက်ထိပ်၊ ရန်ကုန်-မန္တလေးလမ်းဟောင်းပေါ်မှာ ကိုယ်ဝန်ဆောင်မိခင်ကို တွဲကားက တိုက်ပြီး မောင်းပြေးမှုဖြစ်ပွားခဲ့တယ်လို့ ဒေသခံတွေထံက သိရပါတယ်။
မေ ၁၅ ရက် ဒီနေ့ မနက် ၉ နာရီခွဲခန့်မှာ ကြို့ကုန်းကျေးရွာနေထိုင်သူ အသက် ၃၀ နှစ်ခန့်ရှိ ကိုယ်ဝန်ဆောင်အမျိုးသမီးဟာ ဥယျာဉ်တော်(၈၈)သစ်စက်လမ်းထိပ်ကနေ ကြို့ကုန်းကျေးရွာဘက်ကို ကားလမ်းအတိုင်းလမ်းလျှောက်ပြန်လာချိန် ၂၂ ဘီးတွဲကားအဖြူရောင်က အနောက်ကနေ ဝင်တိုက်ခဲ့တာလို့ ဆိုပါတယ်။
" ကားက ရန်ကုန်ဘက်နေ မန္တလေးဘက်ကိုမောင်းလာတာ။ အမျိုးသမီးကလည်း သူ့ရွာဘက်ကို လမ်းလျှောက်ပြန်လာတာ နောက်နေပွတ်ချိတ်သွားတာ"လို့ အုတ်တွင်းဒေသခံတဦးက ပြောပါတယ်။
ကားတိုက်မှုဖြစ်ပြီးတဲ့နောက် တွဲကားမှာ ရန်ကုန်-မန္တလေးလမ်းဟောင်းအတိုင်း မန္တလေးဘက်ကို ဆက်လက်မောင်းနှင်ထွက်ပြေးသွားတယ်လို့ သူက ဆက်ပြောပါတယ်။
ကားတိုက်ခံရလို့ ကိုယ်ဝန်ဆောင်အမျိုးသမီးမှာ ပြင်ပဒဏ်ရာကြီးကြီးမားမားမတွေ့ရပေမယ့် သတိလစ်မေ့မြောနေပြီး စိုးရိမ်ရအခြေအနေရှိနေကာ ၎င်းကိုဒေသခံတွေက အုတ်တွင်းဆေးရုံသို့ ပို့ဆောင်ပေးထားတယ်လို့ သိရပါတယ်။
ဧပြီ ၂၄ ရက်မှာလည်း အုတ်တွင်းမြို့နယ်၊ ကျောက်တိုင်ကျေးရွာအနီး ရန်ကုန်-မန္တလေးလမ်းဟောင်းပေါ်မှာ ဘုရားထီးတင်ပွဲမှ ပြန်လာတဲ့ Light Truck ကားတိမ်းမှောက်လို့ ၁ ဦးသေပြီး ၁၄ ဦးဒဏ်ရာရခဲ့ပါသေးတယ်။
စာတည်း - ဟိန်းစံ။
#မြေလတ်အသံ
#ရန်ကုန်-မန္တလေးလမ်းဟောင်း #အုတ်တွင်း #ယာဉ်တိုက်မှု #ကိုယ်ဝန်ဆောင် #ယာဉ်မောင်းထွက်ပြေး
Share Share Share