ရန်ကြီးအောင်စခန်းသိမ်းတိုက်ပွဲ စစ်တပ်က ၁၆ ဦးသေ ၁၇ ဦးအရှင်မိပြီး သေနတ် ၂၆ လက်ရရှိကြောင်း NUG ထုတ်ပြန်

စစ်ကိုင်းတိုင်း(အထက်ပိုင်း) ကလေးမြို့နယ်တောင်ပိုင်းရှိ စစ်ကောင်စီတပ်ရဲ့ ရန်ကြီးအောင်တပ်စခန်းကို သိမ်းပိုက်ရရှိခဲ့ပြီး တိုက်ပွဲအတွင်း စစ်ကောင်စီတပ်ဖွဲ့ဝင် ၁၆ ဦးသေဆုံးကာ ၁၇ ဦးအရှင်ဖမ်းဆီးရမိကြောင်း အမျိုးသားညီညွတ်ရေးအစိုးရ-NUG ကာကွယ်ရေးဝန်ကြီးဌာနက ဒီကနေ့မှာ ထုတ်ပြန်ပါတယ်။

ရန်ကြီးအောင်စခန်းကို နိုဝင်ဘာ ၂၁ ရက်ကနေ ၂၃ ရက်အထိ ၃ ရက်ကြာတိုက်ခိုက်ပြီးနောက် သိမ်းပိုက် ရရှိခဲ့တာဖြစ်ပြီး စခန်းသိမ်းတိုက်ပွဲအတွင်း RPG ၁ လက်၊ ၈၁ မမ စိန်ပြောင်း ၁ လက်၊ MA 3 ၅ လက်၊ MA -1 ၁၀ လက်၊ MA 4 ၂ လက် ၊ MA 5 (ပစ္စတို) ၂ လက်၊ BA 63( G 3) ၉ လက်၊ ၊ ၅.၅၆ ကျည် ၉၅၄၇ တောင့်၊ ၇.၆၂ ကျည် ၃၅၄၆ တောင့် ၊ RPG ဗုံးသီး ၁၄ လုံး၊ ကျည်ဘောက် ၇၅ ခု၊ ၈၁ မမ ဗုံးသီး ၆ လုံးနဲ့ မိုင်းခဲယမ်းဆက်စပ်ပစ္စည်းအများအပြားသိမ်းဆည်းရရှိခဲ့တယ်လို့ ဆိုပါတယ်။

ဒီတိုက်ခိုက်မှုကို အမှတ် ၁ စစ်ဒေသ၊ ကလေးခရိုင်ကွပ်ကဲရေးရဲ့ ကွပ်ကဲမှုနဲ့ ကလေးခရိုင် အမှတ် ၂၊၄၊၅၊၆ တပ်ရင်း၊ မြို့နယ် ပကဖ၊ ခရိုင်ဒရုန်းအဖွဲ့၊ SR-4 ၊ KKG၊ CNDF၊ RKDF စတဲ့တော်လှန်ရေးတပ်ဖွဲ့တွေ ပူးပေါင်းတိုက်ခိုက်ခဲ့တာလို့ ထုတ်ပြန်ထားပါတယ်။

ဆက်စပ်သတင်းများ

ကလေးမြို့ကစခန်းသိမ်းတိုက်ပွဲမှာ စစ်သား၁၅ဦးသေကာ တပ်ကြပ်တဦးအပါ၂ဦးအရှင်ဖမ်းမိ

ရန်ကြီးအောင်စခန်းသိမ်းတိုက်ပွဲကနေထွက်ပြေးနေတဲ့ စခန်းတာဝန်ခံဗိုလ်မှူးအပါအဝင် စစ်သား၉ဦးထပ်မံဖမ်းမိ

#မြေလတ်အသံ

#စစ်ကိုင်း #ကလေး #ရန်ကြီးအောင်စခန်း #တိုက်ခိုက်သိမ်းပိုက် #လက်နက်ခဲယမ်း #အများအပြား #သိမ်းဆည်းရမိ