Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ရမည်းသင်းနယ်အပိုင် အမြန်လမ်းမှာ ခရီးသည်တင်ကား မီးလောင်
မန္တလေးတိုင်းဒေသကြီး၊ ရမည်းသင်းမြို့နယ်အပိုင် ရန်ကုန်-မန္တလေး အမြန်လမ်းမကြီးပေါ်မှာ ခရီးသည်တင်ကား ၁ စီး အင်ဂျင်အပူရှိန်တက်ပြီး မီးလောင်မှုဖြစ်ခဲ့တယ်လို့ ဒေသခံတွေဆီက သိရပါတယ်။
ဒီဇင်ဘာလ ၁၉ ရက် ဒီမနက် ၅ နာရီ မိနစ် ၅၀ ခန့်မှာ ရန်ကုန်ဘက်ကနေ မန္တလေးဘက်ကိုလာတဲ့ ရွှေစင်ခရီးသည်တင်ကားဟာ ကားလမ်းမိုင်တိုင်အမှတ် ၂၄၆/၃ နဲ့ ၂၄၆/၄ ကြားတနေရာမှာ မီးလောင်ခဲ့တာလို့ ဆိုပါတယ်။
"အင်ဂျင် Heat တက်ပြီး အချိန်မှီမငြိမ်းလိုက်နိုင်လို့ မီးလောင်သွားတာ။ လူတွေ ထိခိုက်ဒဏ်ရာရတာမျိူးတော့မရှိဘူး"လို့ ဒေသခံတဦးကပြောပါတယ်။
အဲ့ဒီကားပေါ်မှာ ယာဥ်မောင်း လင်းထွန်းလတ် ၃၉ နှစ်၊ ယာဥ်နောက်လိုက်အပါအဝင် ခရီးသည် ၈ ဦးလိုက်ပါလာပြီး ကုန်ပစ္စည်းအချို့လည်း ပါလာတယ်လို့ သိရပါတယ်။
မီးလောင်ပြီး ၁ နာရီအကြာမှာ မီးငြိမ်းသတ်နိုင်ခဲ့ပြီး ကားနဲ့ပေါ်ပါ ကုန်ပစ္စည်းတွေကတော့ အားလုံးမီးလောင်သွားကာ ကျပ်သိန်း ၇၀၀ ကျော်ဖိုး ပျက်စီးဆုံးရှုံး သွားတယ်လို့သိရကြောင်း ဒေသခံတဦးက ပြောပါတယ်။
ဒီဇင်ဘာလ ၁၈ ရက် မနက်အစောပိုင်းကလည်း ပဲခူးတိုင်းဒေသကြီး၊ အုတ်တွင်းမြို့နယ်၊ ရန်ကုန် - မန္တလေးအမြန်လမ်းမကြီး မိုင်တိုင် (၁၂၉/၇) အနီးမှာ ရေထွက်ပစ္စည်းတွေ တင်လာတဲ့ကား မီးလောင်ခဲ့တာကြောင့် ကျပ်သိန်း ၅၀၀ ကျော် ပျက်စီးဆုံးရှုံးခဲ့တယ်လို့ သိရပါတယ်။
စာတည်း - လင်း
#မြေလတ်အသံ
#မန္တလေး #ရမည်းသင်း #ခရီးသည်တင် #မီးလောင် #ပျက်စီးဆုံးရှုံး #သတင်း #မြေလတ်သတင်း
Share Share Share