ရေစကြိုမှာ စစ်အုပ်စု စစ်ကြောင်း တိုက်ခိုက်ခံရလို့ ၁ဦးသေပြီး ကျည်အချို့ရရှိ

မကွေးတိုင်း၊ ရေစကြိုမြို့၊ ဂွက်ကြီးကျေးရွာနဲ့ အလယ်သောင်ကျေးရွာအကြားမှာ စစ်သားနဲ့ ပျူစောထီးစစ်ကြောင်းကို တိုက်ခိုက်ပြီး လက်နက်ခဲယမ်းတွေသိမ်းဆည်းခဲ့တယ်လို့ ရေစကြိုမြို့နယ် ပြည်သူ့ ကာကွယ်ရေးတပ်ဖွဲ့ဆီက သိရပါတယ်။ 

ဇွန်လ ၂ ရက် ညနေ ၄ နာရီခွဲလောက်မှာ ဆင်ချောင်းရွာနဲ့ ဂွေးချိုရွာက စစ်သားနဲ့ ပျူစောထီးတွေ စုပေါင်းပြီး အင်အား ၄၀ လောက်နဲ့ စစ်ကြောင်းထိုးလာချိန်မှာ တိုက်ခိုက်ခဲ့တာလို့ ဆိုပါတယ်။ 

“ပစ်ခတ်တိုက်ခိုက်ချိန်က မိနစ် ၃၀ လောက်ကြာတယ်၊ ပစ်ခတ်တိုက်ခိုက်ချိန်အတွင်းမှာ **တကောင်ကို ဆွဲခေါ်သွားတာ ရဲဘော်တွေမျက်မြင်ကိုယ်တွေ့ တွေ့ခဲ့ရတယ်”လို့ ရေစကြိုမြို့နယ် ပြည်သူ့ကာကွယ်ရေးတပ်ဖွဲ့ရဲ့ သတင်းနဲ့ပြန်ကြားရေးတာဝန်ခံက ပြောပါတယ်။ 

တိုက်ခိုက်မှုကြောင့် စစ်သား ၁ ဦးသေဆုံးပြီး G 3 ကျည်ဘောက် ၁ ဘောက် G 3 ကျည် ၁၀ တောင့် အီကွေ့မန့် ၁ ခုတို့ကိုလည်း သိမ်းဆည်းနိုင်ခဲ့တယ်လို့ ဆိုပါတယ်။ 

အဆိုပါစစ်ကြောင်းမှာ ပခုက္ကူအခြေစိုက် တပ်မ ၁၀၁က စစ်သားတွေလည်း ပါဝင်ပြီး တိုက်ခိုက်ပြီး နောက် ညနေ ၅ နာရီလောက်မှာ ဟင်္သာကျေးရွာဘက်ကို ဆက်သွားခဲ့တယ်လို့ အထက်ပါတာဝန်ခံက ပြောပါတယ်။ 

ရေစကြိုမြို့နယ် ပြည်သူ့ကာကွယ်ရေးတပ်ဖွဲ့ဟာ စစ်အာဏာသိမ်းချိန် ကနေ ၂၀၂၄ ခုနှစ်၊ ဇွန်လဆန်း ပိုင်းအထိ စစ်ကောင်စီနဲ့ ထိတွေ့တိုက်ပွဲ ၂၀၀ နီးပါးရှိခဲ့ပြီး စစ်သားနဲ့ရဲ ၁၀၀ ဝန်းကျင်ကို ရှင်းလင်းနိုင်ခဲ့တယ်လို့ အဲ့ဒီအဖွဲ့ဆီက သိရပါတယ်။ 

စာတည်း - လင်း 

#မြေလတ်အသံ

#မကွေး #ရေစကြို #စစ်ကောင်စီ #တိုက်ပွဲ