ရေတာရှည်မှာ ကြံခိုင်ရေးပါတီဝင်အမျိုးသမီး ၁ ဦး အသတ်ခံရ

ပဲခူးတိုင်းဒေသကြီး၊ ရေတာရှည်မြို့နယ်၊ ဇေယျသိမ်အုပ်စု၊ ဇေယျသိမ်နဲ့ ကျွန်းတိုင်းရွာအကြားလမ်းပေါ် မှာ ကြံခိုင်ရေးပါတီဝင်အမျိုးသမီး ၁ ဦး သေဆုံးနေတဲ့ရုပ်အလောင်းကို တွေ့ ရှိရတယ်လို့ ဒေသခံတွေက ပြောပါတယ်။

သေဆုံးသွားသူဟာ ဇေယျာသိမ်ကျေးရွာနေ အသက် ၅၈ နှစ်အရွယ်ရှိ ဒေါ်ဌေးရီ ဖြစ်ပြီး ဇန်နဝါရီ  ၁၆ ရက် မနေ့မနက် ၇ နာရီခန့်မှာ လည်ပင်းထိုးသွင်းဒဏ်ရာတွေနဲ့ သေဆုံးလျက်တွေ့ရှိရတာလို့ ဆိုပါတယ်။

" သူ့အလောင်းမတွေ့ခင် တရက်က လာဖမ်းသွားကြတာ။ သူက တယောက်တည်းနေတာ များတယ်။ ကြံ့ ခိုင်ရေးပါတီဝင်လည်းဖြစ်တော့ ကျေးရွာအုပ်ချုပ်ရေးအဖွဲ့တွေနဲ့လည်း နီးစပ်မှုရှိတယ်" လို့ ရေတာရှည်နယ်ဒေသခံတဦးက မြေလတ်အသံကို ပြောပါတယ်။

ဒေါ်ဌေးရီဟာ ဇန်နဝါရီ ၁၅ ရက် မနက် ၅ နာရီခန့်မှာ သူနေအိမ်ထိုင်ရာအိမ်ကနေ လက်နက်ကိုင်ဆောင်ထားသူလူတစုရဲ့ ဖမ်းဆီးခေါ်ဆောင်သွားခံရပြီးနောက် သေဆုံးလျက်ပြန်တွေ့ရတာလို့ သိရပါတယ်။

ဖြစ်စဉ်နဲ့ပတ်သက်လို့ ရေတာရှည်မြို့နယ်ပြည်သူ့ကာကွယ်ရေးတပ်ဖွဲ့အနေနဲ့ ၎င်းတို့ လုပ်ဆောင်ခြင်းမရှိကြောင်း ပြောပါတယ်။

ရေတာရှည်မြို့နယ်အတွင်းမှာ ဇန်နဝါရီလဒုတိယအပတ်ကစတင်ကာ စစ်တပ်လက်အောက် ပြည်သူ့စစ်ဖွဲ့စည်းဖို့ဆိုကာ အုပ်ချုပ်ရေးမှူးအပါအဝင် ရပ်ကျေးအုပ်ချုပ်ရေးအဖွဲ့ဝင်တွေက ဖိအားပေးလူတောင်းခံတာတွေလုပ်ဆောင်နေတယ်လို့ သိရပါတယ်။

စာတည်း - ရင်ငြိမ်း

#မြေလတ်အသံ

#ပဲခူး #ရေတာရှည် #ကြံ့ခိုင်ရေးပါတီ #အမျိုးသမီး #အသတ်ခံရ #ထိုးသွင်းဒဏ်ရာ #သတင်း #မြေလတ်သတင်း