Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ရေဘေးလှူပြီးပြန်လာတဲ့ကား တိမ်းမှောက်လို့ သံဃာတော်တွေအပါ ၈ ဦးဒဏ်ရာရ
ပဲခူးတိုင်း၊ အုတ်တွင်းမြို့နယ်အပိုင် ရန်ကုန် - မန္တလေးအမြန်လမ်းပေါ်မှာ ရေဘေးလှူပြီးပြန်လာတဲ့ကား တိမ်းမှောက်ခဲ့တာကြောင့် သံဃာတော်တွေအပါအဝင် ၈ ဦးဒဏ်ရာရခဲ့တယ်လို့ ဒေသခံတွေဆီက သိရပါတယ်။
စက်တင်ဘာ ၁၉ ရက် နေ့လယ် ၁ နာရီခန့်မှာ သံဃာတော် ၉ ပါးလိုက်ပါလာတဲ့ ကန်တာ(Canter) အဖြူရောင်ကားဟာ နေပြည်တော်ဘက်ကနေ ရန်ကုန်ဘက်ကိုလာချိန် ကားလမ်းမိုင် အမှတ် ၁၄၉/၇ ဖာလုံနဲ့ ၁၄၉/၆ ဖာလုံ ကြားမှာ တိမ်းမှောက်ခဲ့တာလို့ ဆိုပါတယ်။
"အရှိန်များပြီး လမ်းလယ်ကျွန်းပေါ် တိမ်းမှောက်သွားတာလို့ သိရတယ်။ ရမည်းသင်းဘက်က ရေဘေးလှူပြီးပြန်လာကြတာ။ သံဃာတွေလိုက်လာတဲ့ကားပါ"လို့ ဒေသခံတဦးကပြောပါတယ်။
ယာဥ်တိမ်းမှောက်မှုကြောင့် ယာဥ်မောင်း ၁ ဦးနဲ့ ယာဥ်ပေါ်လိုက်ပါလာတဲ့ မှော်ဘီမြို့၊ ပန်းတစ်ပွင့်တောင်ဗုဒ္ဓတက္ကသိုလ်မှ သက်တော် ၂၇ နှစ်မှ ၃၈ နှစ်ကြားသံဃာတော် ၇ ပါးတို့ ဦးခေါင်းနဲ့လက်တွေမှာ ဒဏ်ရာတွေရခဲ့တယ်လို့ ဆိုပါတယ်။
ဒဏ်ရာရသူတွေကိုတော့ အမြန်လမ်းမီးသတ်နဲ့ပရဟိတအသင်းတွေက တောင်ငူပြည်သူ့ဆေးရုံကို ပို့ဆောင်ပေးခဲ့ကြပြီး သက်သာတဲ့အခြေအနေရှိကြတယ်လို့ သိရပါတယ်။
ဒါ့အပြင် ကားအရှေ့လေကာမှန်ကွဲကြေပြီး ကားကိုယ်ထည်လည်း ထိခိုက်ပျက်စီးခဲ့တယ်လို့ ဆိုပါတယ်။
စက်တင်ဘာ ၆ ရက်ကလည်း တံတားဦးမြို့နယ်၊ ရန်ကုန်-မန္တလေးအမြန်လမ်းမကြီးပေါ်မှာ 'ဟိန်းစတား' ခရီးသည်တင်ယာဥ်တိမ်းမှောက်ပြီး ၃ ဦးဒဏ်ရာရှိခဲ့ပါသေးတယ်။
စာတည်း - လင်း
#မြေလတ်အသံ
#ပဲခူး #အုတ်တွင်း #ရေဘေး #ကားတိမ်းမှောက် #ဒဏ်ရာရ
Share Share Share