ရေလာလေးစခန်းသိမ်းတိုက်ပွဲက ပြန်လာတဲ့ ရဲဘော်တွေကို ဒေသခံတွေ ကြိုဆို (Reel)

မကွေးတိုင်း၊ ပခုက္ကူခရိုင်၊ ကမ္မမြို့အနားက ရေလာလေးစခန်းသိမ်းတိုက်ပွဲကပြန်လာတဲ့ အမှတ် ၈ စစ်ကြောင်းက ရဲဘော်တွေကို ပေါက်မြို့နယ် ရွာ ၅ ရွာက ဒေသခံပြည်သူတွေ ဒီဇင်ဘာ ၁၃ ရက်မှာ ဂုဏ်ပြုကြိုဆိုခဲ့ကြတယ်လို့ အမှတ် ၈ စစ်ကြောင်း၊ စစ်ကော်မရှင်ဆီက သိရပါတယ်။

အမှတ် ၈ စစ်ကြောင်းက ရဲဘော်တွေဟာ ပခုက္ကူခရိုင်၊ ကမ္မမြို့အနားက ရေလာလေးစခန်းသိမ်းတိုက်ပွဲကို သွားရောက်တိုက်ခိုက်ပြီးအပြန် ဒီဇင်ဘာ ၁၃ ရက် မနက်ပိုင်းမှာ ပေါက်မြို့နယ် ရွာ ၅ ရွာက ဒေသခံပြည်သူ ၁ ထောင်ကျော်က ကြိုဆိုခဲ့တာပါ။

ကြိုဆိုရာမှာ ပန်းကမ်းတာတွေ၊ ချီးမြှောက်စကားပြောတာတွေ၊ ထမင်းကျွေးတာတွေအပြင် သပြေပန်းတွေနဲ့ပါကြိုဆိုခဲ့တာလို့ အမှတ် ၈ စစ်ကြောင်း၊ စစ်ကော်မရှင်က ပြောပါတယ်။

ပြီးခဲ့တဲ့ ဒီဇင်ဘာ ၁၁ ရက်က  ပခုက္ကူခရိုင်၊ ကမ္မမြို့အနားက ရေလာလေးစခန်းကို တိုက်ခိုက်သိမ်းပိုက်နိုင်ခဲ့ပြီး စစ်ကောင်စီဘက်က အရှင်ဖမ်းမိသူတွေရှိပြီး လက်နက်၊ ခဲယမ်းတွေလည်း သိမ်းဆည်းရမိခဲ့ပါတယ်။ 

အဲဒီ စစ်ဆင်ရေးအတွင်း အမှတ် ၈ စစ်ကြောင်းအဖွဲ့ဝင် ကျောင်းသားတော်လှန်ရေးတပ်ဖွဲ့ SRF မှ တပ်စိတ်မှူး ရဲဘော်ထောင့်မကျိုး (ခ) ရဲဘော်ဟိန်းမင်းခန့် နဲ့ ပြည်သူ့လွတ်မြောက်ရေးတပ်မတော် (PLA) အနောက်မြောက် စစ်ဒေသအထူးတပ်ဖွဲ့မှ ငါးမျိုးကောင်းစစ်သည်ဆုရ ရဲဘော်ကိုထက် ကျဆုံးပြီး ရဲဘော် ၁ ဦး ထိခိုက်ဒဏ်ရာရခဲ့တယ်လို့လည်း သူက ဆက်ပြောပါတယ်။

အဖိအနှိပ်ခံပြည်သူလူထုအတွက် ရဲဘော်တွေ ကြိုးစားနေကြပြီး ဒေသခံပြည်သူတွေက အခုလိုကြိုဆိုတဲ့အပေါ်  အတိုင်းမသိဝမ်းသာတယ်လို့ သူက မှတ်ချက်ပြုပါတယ်။ 

စာတည်း - လင်းဇေ၊ တည်းဖြတ် - HP

#မြေလတ်အသံ

#မကွေးတိုင်း #ပခုက္ကူခရိုင် #ကမ္မမြို့ #ရေလာလေး