Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ရေဦးမှာ စစ်ဆေးရေးလုပ်နေတဲ့ စစ်ကောင်စီတပ်ဖွဲ့ဝင်တွေ ဒရုန်းနဲ့ဗုံးချတိုက်ခိုက်ခံရပြီး ၃ ဦး သေဆုံး
စစ်ကိုင်းတိုင်း၊ ရေဦးမြို့မြောက်ပိုင်း၊ ရွှေပြည်သာရပ်ကွက် ဓမ္မာရုံရှေ့မှာ စစ်ဆေးရေးလုပ်နေတဲ့ စစ်ကောင်စီတပ်ဖွဲ့ဝင်တွေ ဒရုန်းနဲ့ဗုံးချတိုက်ခိုက်ခံရပြီး ၃ ဦးသေဆုံးတယ်လို့ ရေဦးမြို့နယ်ပကဖတာဝန်ခံထံက သိရပါတယ်။
အင်အား ၂၀ ခန့်နဲ့ ဓမ္မာရုံအရှေ့လမ်းပေါ်မှာ စစ်ဆေးရေးလုပ်နေတဲ့ စစ်ကောင်စီတပ်ဖွဲ့ဝင်တွေကို မတ် ၂၃ ရက် ဒီကနေ့ နေ့လယ် ၁ နာရီခန့်က ဒရုန်းနဲ့ဗုံးသီး ၄ လုံးချတိုက်ခိုက်ခဲ့တာလို့ ဆိုပါတယ်။
"သူတို့က ဒီနေ့ ရေဦးကို Mi 17 ဆင်းမယ်ဆိုတော့ မြို့အစပ်မှာ ကင်းပုန်းပုံစံစစ်ဆေးရေး လုပ်နေတော့ ဗုံးချလိုက်တာ။ လုံခြုံရေးယူရင်း စစ်ဆေးရေးလုပ်နေကြတာ။"လို့ ရေဦးမြို့နယ် ပကဖတာဝန်ခံ က ပြောပါတယ်။
ဒရုန်းနဲ့ဗုံးချတိုက်ခိုက်ရာမှာ စစ်ကောင်စီတပ်ဖွဲ့ဝင် ၃ ဦးသေဆုံးပြီး ၂ ဦးဒဏ်ရာရတာကို မြေပြင်သတင်းစောင့်ကြည့်နေသူတွေထံကသိရပြီး ဗုံးကျလို့ထိခိုက်သေဆုံးသူတွေကိုလည်း လူနာတင်ယာဉ်တွေနဲ့လာတင်သွားတယ်လို့ သူက ဆိုပါတယ်။
ဗုံးချခံရပြီးနောက်မှာတော့ စစ်ကောင်စီတပ်ဖွဲ့ဝင်တွေက စစ်ဆေးရေးလုပ်ငန်းတွေကို ဆက်မလုပ်တော့ဘဲ သေဆုံးထိခိုက်သူတွေကို လူနာတင်ယာဉ်တွေနဲ့တင်ဆောင်ကာ မြို့ထဲကို ပြန်ဝင်သွားတယ်လို့ သိရပါတယ်။
ရေဦးမြို့နယ်အတွင်းမှာ စစ်ကောင်စီတပ်ဖွဲ့ဝင်တွေတပ်စွဲနေရာတွေနဲ့ လှုပ်ရှားမှုလမ်းကြောင်းမှန်သမျှကို ဒရုန်းစစ်ဆေးရေးပြုလုပ်ဆောင်ရွက်မှာဖြစ်လို့ ပြည်သူတွေအနေနဲ့ စစ်ကောင်စီတပ်စခန်းနဲ့ တပ်ဖွဲ့ဝင်တွေအနီး နေထိုင်သွားလာတာတွေ သတိထားရှောင်ရှားကြဖို့လိုတယ်လို့ ရေဦးပကဖက သတိပေးပြောဆိုပါတယ်။
စာတည်း - ဟိန်းစံ
#မြေလတ်အသံ
#စစ်ကိုင်း #ရေဦး #စစ်ဆေးရေးဂိတ် #ဒရုန်း #တိုက်ခိုက်
Share Share Share