Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ရဲဒုတပ်ကြပ်အပါ ၂ ဦးကို ရေစကြိုပကဖ ဖမ်းဆီး၊ ပြန်ခုခံလို့ပစ်ခတ်ရာ ဒုတပ်ကြပ်သေဆုံး
မကွေးတိုင်း၊ ရေစကြိုမြို့နယ်၊ ပခန်းကြီးမြို့ရဲစခန်းက ရဲဒုတပ်ကြပ်တဦးနဲ့ ရဲတပ်သားတဦးကို ရေစကြို ပြည်သူ့ကာကွယ်ရေးအဖွဲ့က အရှင်ဖမ်းမိခဲ့ပေမယ့် ပြန်လည်ခုခံတဲ့အတွက် ပစ်ခတ်ရာ ရဲဒုကြပ်သေဆုံးပြီး ရဲတပ်သားက လွတ်သွားတယ်လို့ အဲ့ဒီအဖွဲ့ဆီက သိရပါတယ်။
အောက်တိုဘာ ၁၄ ရက် ညနေ ၃ နာရီခွဲလောက်မှာ ပခန်းကြီးမြို့၊ ကျောင်းတော်ကြီးအနီးရှိ ဘီယာဆိုင်ကနေ ထွက်လာတဲ့ အဆိုပါရဲတပ်ဖွဲ့ဝင် ၂ ဦးကို ဖမ်းမိခဲ့တာလို့ ဆိုပါတယ်။
“ဒီကောင်တွေကို ဆိုင်ကယ်ပေါ်တင်တာမှာ ကျနော်တို့ဆီက လက်နက်လုပြီး ပြန်လည်ခုခံတဲ့အတွက်ကြောင့် ၂ ယောက်လုံးကို ပစ်ခတ်ရှင်းလင်းတာ၊ တယောက်ကတော့ ဒဏ်ရာနဲ့ထွက်ပြေး လွတ်မြောက်သွားတယ်” လို့ ရေစကြိုမြို့နယ်ပြည်သူ့ကာကွယ်ရေးတပ်ဖွဲ့မှ သတင်းနဲ့ ပြန်ကြားရေးတာဝန်ခံက ပြောပါတယ်။
ပစ်ခတ်မှုကြောင့် ပခန်းကြီးနယ်မြေရဲစခန်းက ရဲဒုတပ်ကြပ် နိုင်လင်း သေဆုံးခဲ့ပြီး 110 ဆိုင်ကယ် ၁ စီး၊ ဖုန်း ၁ လုံးနဲ့ စာအုပ်စာတမ်းအချို့ သိမ်းဆည်းနိုင်ခဲ့တယ်လို့ ဆိုပါတယ်။
ပြီးခဲ့တဲ့ အောက်တိုဘာ ၁၂ ရက် ညကလည်း ရေစကြိုမြို့နယ် မြို့မရဲစခန်းကို ရေစကြိုပြည်သူ့ကာကွယ်ရေးအဖွဲ့က အနီးကပ်သွားရောက်တိုက်ခိုက်ခဲ့သေးတယ်လို့ သိရပါတယ်။
ပုံစာ - ရဲဒုတပ်ကြပ်ထံမှ သိမ်းဆည်းရမိသည့် ဆိုင်ကယ်နှင့်ပစ္စည်းအချို့။
စာတည်း - လင်း
#မြေလတ်အသံ
#မကွေး #ရေစကြို #ပခန်းကြီး #ဖမ်းဆီး #ခုခံ #လွတ်မြောက် #သေဆုံး #သတင်း #ရဲဒုတပ်ကြပ်
Share Share Share