လေကြောင်းပစ်ကူလို့ စခန်းကပစ္စည်း အကုန်မသိမ်းနိုင်ခဲ့တဲ့ ညောင်ပင်ကြီးတိုက်ပွဲ (ရုပ်/သံ)

စစ်ကိုင်းတိုင်း၊ ဆားလင်းကြီးမြို့နယ်ထဲက စစ်တပ််တပ်ဆွဲထားတဲ့ ညောင်ပင်ကြီးရဲစခန်းကို PDF တပ်ပေါင်းစုတွေ ဝင်ရောက်စီးနင်းခဲ့ရာ ရဲနဲ့စစ်သား ၁၅ ဦး သေဆုံးခဲ့ပြီး လက်နက်ခဲယမ်းအချို့ကိုသာ သိမ်းယူနိုင်ခဲ့ပါတယ်။ 

ပြီးခဲ့တဲ့ ဇွန်လ ၉ ရက်ညနေပိုင်းမှာ ဝင်ရောက်ခဲ့ပြီး နာရီဝက်အကြာ အပြန်အလှန်ပစ်ခတ်မှုတွေ ဖြစ်ခဲ့ကာ စခန်းသိမ်းနိုင်လုနီးပါးဖြစ်နေချိန်မှာ လေကြောင်းနဲ့စစ်ကူရောက်လာလို့ ပြန်ဆုတ်ခဲ့ရတာပါ။ 

တိုက်ပွဲကြာချိန် မိနစ် ၂၀ လောက်မှာ မုံရွာ နမခ က Mi 35 ရဟတ်ယာဥ်တစီးနဲ့ လာရောက်ပစ်ကူ ပေးခဲ့လို့ စစ်ကောင်စီစခန်းထဲက ပစ္စည်းအချို့ကိုသာ သိမ်းယူနိုင်ခဲ့ပြီး စစ်ကောင်စီဘက်က ၁၅ ဦးသေဆုံးခဲ့သလို PDF တပ်ပေါင်းစုဘက်ကလည်း ၁ ဦးသေဆုံးကာ ၄ ဦး ဒဏ်ရာရခဲ့တယ်လို့ သိရပါတယ်။ 

ညောင်ပင်ကြီးစံပြကျေးရွာကို ဇွန်လ ၉ ရက်မှာ စစ်ကောင်စီတပ်တွေက စစ်ကြောင်းထိုး ဝင်ရောက်လာကာ ရွာကိုမီးရှို့တာ၊ မိုင်းတွေထောင်ထားခဲ့တာကြောင့် ထောင်နဲ့ချီတဲ့ ဒေသခံတွေလည်း ထွက်ပြေးနေကြရပြီး လက်ရှိချိန်ထိ နေရပ်မပြန်နိုင်သေးပါဘူး။ 

ဒီတိုက်ခိုက်မှုကို Salingyi G-Z People Defence Force၊ Myanmar's Royal Dragon Army-MRDA နဲ့ Brothers Army Young People Force၊ မဟာမိတ်အဖွဲ့တွေက ပူးပေါင်းလုပ်ဆောင်ခဲ့တာလည်း ဖြစ်ပါတယ်။

#မြေလတ်အသံ 

#ဆားလင်းကြီး #ညောင်ပင်ကြီးရဲစခန်းသိမ်းတိုက်ပွဲ #စစ်ကောင်စီ #ရဲ #PDF