သင်္ကြန်အကျနေ့ လုံခြုံရေးယူနေတဲ့ရဲတွေ အဝေးထိန်းမိုင်းခွဲခံရလို့ ဒဏ်ရာရသူတွေရှိ

"ဒေသအခေါ် ၃၆ ပင်းချောင်းတံတားပေါ့၊ အဲ့ဒီပေါ်မှာ လုံခြုံရေးစောင့်နေတဲ့ ရဲတွေကို အဝေးထိန်းမိုင်းအကြီးစား ၁ လုံးခွဲတိုက်ခိုက်ခဲ့တာ၊ ကျနော်တို့ ပြန်ဆုတ်တဲ့အချိန်မှာ သူတို့က နောက်လိုက်ပစ်တာတော့ရှိတယ်။ ရဲတွေ သေဆုံးတာတော့မရှိဘူး၊ ဒဏ်ရာရတဲ့အဆင့်ပဲရှိတယ်” လို့ ပြောပါတယ်။

သင်္ကြန်ကာလအတွင်း စစ်အုပ်စုကိုဆက်လက်တိုက်ခိုက်မှာဖြစ်လို့ ပြည်သူတွေအနေနဲ့ စစ်ကောင်စီကျင်းပနေတဲ့ အတုအယောင်သင်္ကြန်ပွဲကို မသွားကြဖို့၊ စစ်အုပ်စုရှိတဲ့နေရာတွေနဲ့ ဝေးဝေးနေကြဖို့နဲ့ တော်လှန်သင်္ကြန်မှာ ပါဝင်ကြဖို့ကိုလည်း သူကသတိပေးပြောဆိုပါတယ်။

တိုက်ခိုက်ခံရပြီးနောက် သင်္ကြန်အကြတ် ဒီကနေ့မှာတော့ စစ်အုပ်စုလက်အောက်ခံ ရဲတပ်ဖွဲ့ဝင်တွေဟာ ပင်းချောင်းတံတားနဲ့ အနီးတဝိုက်တွေမှာ လှည့်လည်ကင်းပတ်နေပြီး အစစ်အဆေးတင်းကြပ်ကာ မိုင်းရှာဖွေတာတွေ လုပ်ဆောင်နေတယ်လို့ သိရပါတယ်။

မိုင်းခွဲတိုက်ခိုက်မှုကို မကွေးခရိုင် အမှတ် ၂ တပ်ရင်း တပ်ခွဲ ၁ People's Defence Force Yenangyaung နဲ့ Yenangyaung Local People's Defence Force ဖေကံကောင်းအဖွဲ့တို့က ပူးပေါင်းလုပ်ဆောင်ခဲ့တာလို့ သိရပါတယ်။

ပြီးခဲ့တဲ့ မတ်လ ၅ ရက်ကလည်း ရေနံချောင်းမြို့မရဲစခန်းကို မကွေးခရိုင် အမှတ် ၂ တပ်ရင်း တပ်ခွဲ ၁ People's Defence Force Yenangyaung အဖွဲ့က အဝေးထိန်းမိုင်းနဲ့ ဖောက်ခွဲခဲ့ရာ ဘန်ကာတွေပျက်စီးခဲ့တယ်လို့ သိရပါတယ်။

ပုံစာ - စစ်အာဏာမသိမ်းမီက ပင်ချောင်းတံတားအောက်နေရာအား သင်္ကြန်ကာလအတွင်း တွေ့ရစဉ်။ (ပုံဟောင်း)

စာတည်း- ရင်ငြိမ်း
#မြေလတ်အသံ