ဟုမ္မလင်းတိုက်ပွဲမှာ စစ်ကောင်စီအထိနာပြီး လက်နက်ခဲယမ်းအချို့ သိမ်းဆည်းရမိ

ဒါ့အပြင် ဒီကနေ့ မနက် ၇ နာရီဝန်းကျင်မှာလည်း မြစ်ရဲ့ဘယ်ဘက်မှာရှိတဲ့ ပြည်သူ့စစ်ယာယီကင်းစခန်းတွေကို နောက်ထပ်စစ်ကြောင်းတခုက ဝင်ရောက်တိုက်ခိုက်ခဲ့ပြီး ၈ နာရီခွဲမှာတော့ စစ်ကောင်စီဘက်က လေကြောင်းနဲ့ ပစ်ခတ်သွားတယ်လို့ သိရပါတယ်။

“ယာယီပွိုင့်ကုန်းထိုးတဲ့နေရာတွေကို တပြိုင်ထဲတိုက်တာဗျ၊ သူတို့ဘက်က ၂ ယောက်ကျပြီးတော့ အလောင်းပြန်ကောက်တဲ့အချိန်မှာ နောက်တကြိမ် ထပ်ဖြစ်တယ်။ ကျတော်တို့သိထားတာ ၇ ယောက် ကျတယ်။ ၁ ယောက်ကတော့ အလောင်းလာမကောက်သေးဘူး။ မြစ်ဘယ်ဘက်ခြမ်းက တိုက်ပွဲအခြေနေကတော့ သေချာမသိရသေးဘူး။ လောလောဆယ်ဆယ်တော့ စစ်ဆိုင်ထားတုန်းပဲ။" လို့ Homalin People's Defence force-HPDF ရဲဘော်တဦး က ပြောပါတယ်။

တိုက်ပွဲအတွင်း ပျူစောထီးနဲ့ပြည်သူ့စစ်အဖွဲ့ဝင် ၇ ဦးသေဆုံးကာ၊ M 79 တလက်၊ 79 အဆံ ၃လုံး၊ ခါးချိုး ၅ လက် သိမ်းဆည်းထားနိုင်တယ်လို့ ပူးပေါင်းတပ်ဖွဲ့တွေက ဆိုပေမယ့် သေဆုံးစာရင်းကိုတော့ မြေလတ်အသံက သီးခြားအတည်မပြုနိုင်သေးပါဘူး။

လက်ရှိမှာတော့ ရွှေပြည်အေးမြို့နဲ့ တုံဟဲရွာဘက်မှာ စစ်ကောင်စီဘက်က အင်အားစုနေပြီး စစ်ကြောင်းပြန်ထိုးဖို့ ပြင်ဆင်နေတဲ့အတွက် ဒီကနေ့အတွင်း တိုက်ပွဲဆက်လက်ဖြစ်ပွားနိုင်တယ်လို့လည်း သူကဆက်ပြောပါတယ်။

အဲဒီတိုက်ပွဲတွေကို နယ်မြေခံကာကွယ်‌ရေးတပ်ပေါင်းစုအဖွဲ့တွေက ဖော်ဆောင်ခဲ့တာဖြစ်ပြီး ပြီးခဲ့တဲ့ ဖေဖော်ဝါရီလလယ်‌ပိုင်းလောက်ကလည်း PDF ပူးပေါင်းတပ်ဖွဲ့တွေ တပ်ထိုင်ထားတဲ့ နတ်နန်းကို စစ်ကြောင်းထိုးလာတဲ့အတွက် တိုက်ပွဲ ဖြစ်ပွားခဲ့ပါသေးတယ်။

ပုံစာ - HPDFတပ်ဖွဲ့ဝင်များ စစ်ကြောင်းထွက်နေစဉ် (ပုံဟောင်း)

စာတည်း - 007
#မြေလတ်အသံ