ဟော့ပေါ့စားဖို့ ဂက်စ်မီးဖိုဖွင့်ရာက ပေါက်ကွဲမှုဖြစ်ပြီး ၂ ဦးဒဏ်ရာရ

ဟော့ပေါ့စားဖို့ ဂက်စ်မီးဖိုဖွင့်ရာက ပေါက်ကွဲမှုဖြစ်ပြီး ၂ ဦးဒဏ်ရာရ

မကွေးမြို့မှာ ဟော့ပေါ့စားဖို့ဂက်စ်မီးဖို့ဖွင့်ရာက ပေါက်ကွဲမှုဖြစ်ပြီး လူငယ်အမျိုးသား ၁ ဦးနဲ့ အမျိုးသမီး ၁ ဦးဒဏ်ရာရခဲ့တယ်လို့ ကူညီကယ်ဆယ်ရေးလုပ်ဆောင်ပေးခဲ့သူတွေထံက သိရပါတယ်။

ဆားစည်ရပ်ကွက်၊ ကမ်းနားလမ်းညစျေးရှိ ဟော့ပေါ့ဆိုင်တဆိုင်မှာ မတ် ၂ ရက် မနေ့ညနေ ၅ နာရီခန့်က စားသုံးသူတွေက အသားပြုတ်ဖို့ဂက်စ်မီးဖိုဖွင့်ချိန်မှာ ပေါက်ကွဲမှုဖြစ်ပေါ်ခဲ့တာလို့ ဆိုပါတယ်။

" ဟော့ပေါ့စားရင်း ဖြစ်တာပါ။ ဂက်စ်ဘူးအသေးကနေ ဆော့ကတ်မလုံတာနဲ့ မီးဖွင့်လိုက်တဲ့အချိန်မှာ ဖြစ်သွားတာ။ ထိတာက ၂ ယောက်ထဲပါ။ ဆိုးဆိုးရွားရွားဖြစ်တာမျိုးတော့ မဟုတ်ပါဘူး။ ၂ ယောက်ကတော့မီးဟပ်တဲ့ဒဏ် များသွားတာပါ။" လို့ ကူညီကယ်ဆယ်ရေးလုပ်ဆောင်ပေးခဲ့သူတဦးက မြေလတ်အသံကို ပြောပါတယ်။

ဂက်စ်အိုးပေါက်ကွဲတာကြောင့် စားသောက်ဝိုင်းမှာထိုင်နေတဲ့ လူငယ် ၄ ဦးအနက် အသက် ၂၀ အရွယ် အမျိုးသား ၁ ဦးနဲ့အမျိုးသမီး ၁ ဦးတို့ မျက်နှာနဲ့လက်တွေမှာ မီးလောင်ဒဏ်ရာတွေရသွားတယ်လို့ ဆိုပါတယ်။

ဂက်စ်အိုးပေါက်ကွဲလို့ ထိခိုက်ဒဏ်ရာရသွားတဲ့လူငယ်တွေကိုတော့ ဒေသခံလူမှုကူညီရေးအသင်းတွေက မကွေးပြည်သူ့ဆေးရုံကိုပို့ဆောင်ပေးခဲ့ကြပြီး ဆေးကုသမှုခံယူနေကြရတယ်လို့ သိရပါတယ်။

စာတည်း - ဟိန်းစံ

#မြေလတ်အသံ

#မကွေး #ဂက်စ်မီးဖို #ဟော့ပေါ့ #မီးလောင် 

နောက်ဆုံးရ သတင်းများ

01
02
03
04
05
06
07
08
09
10