အင်းတော်မှာ စစ်ကောင်စီတပ်တွေ ၂ ရက်ဆက် တိုက်ခိုက်ခံရပြီး ၁၀ ဦးခန့်သေဆုံးဟုဆို

“လက်နက်သွားယူမယ့်အချိန်မှာ *တွေဘက်က အင်အားအလုံးအရင်းနဲ့တက်လာလို့ ပြန်နောက်ဆုတ်ခဲ့ရတာ။ တိုက်တဲ့ချိန်မှာတော့ ၄၊ ၅ ယောက်က လဲကျသွားတာ မြင်တာပေါ့။ တချို့ဒဏ်ရာရတဲ့ *တွေဆို ငါ့ကိုကယ်ပါဦးဆိုပြီး လှမ်းအော်နေတဲ့အသံတွေ ကြားနေရတယ်" လို့ ပြောပါတယ်။

၂ ရက်တိုက်ခိုက်မှုအတွင်း စစ်သား ၁၀ ဦးကျော် သေဆုံးခဲ့ပြီး၊ သေဆုံးဒဏ်ရာရ စစ်သားတွေကိုတော့ ကသာမြို့အခြေစိုက် ၃၀၉ ခြေမြန်တပ်ရင်းထဲကို သယ်သွားကာ တပ်ထဲမှာပဲ သင်္ဂြုလ်တာတွေ လုပ်နေတယ်လို့ သိရပါတယ်။

ဒီသေဆုံးမှု အရေအတွက်နဲ့ပတ်သက်ပြီး မြေလတ်အသံက သီးခြားအတည်မပြုနိုင်သေးပါဘူး။

အဆိုပါယာဉ်တန်းဟာ ဗန်းမောက်ဘက်ကို ရိက္ခာပို့ပြီးနောက် အင်းတော်ကိုဝင်ကာ ကသာ၊ ထီးချိုင့်ဘက်ကို ပြန်ထွက်ခွာသွားချိန် ခုလိုတိုက်ခိုက်ခံရတာဖြစ်တယ်လို့ Indaw Revolution-IR အဖွဲ့ တာဝန်ရှိသူတဦးက ပြောပါတယ်။

ပြီးခဲ့တဲ့ မတ်လ ၁၄ ရက်ကလည်း မော်လူး-နန့်စီးအောင်လမ်းပိုင်းနဲ့ မော်လူး-အင်းတော်လမ်းပိုင်းမှာ စစ်ကောင်စီကား ၃ စီး မိုင်းဆွဲခံရတာကြောင့် တစီးပျက်စီးပြီး စစ်သားသေဆုံးတာတွေလည်း ရှိခဲ့တယ်လို့ သိရပါတယ်။

ပုံစာ - မတ်လ ၂၀ ရက်ညနေပိုင်းက အင်းတော်ဘောလုံးကွင်းထဲမှာ ရောက်ရှိနေသည့် စစ်ကောင်စီရိက္ခာကားတန်း။

စာတည်း - လင်း
#မြေလတ်အသံ