Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
အလင်း၀င်လာတဲ့ ခလရ ၂၅၂ က တပ်သားကို ကျပ်သိန်း ၅၀ ချီးမြှင့်
မကွေးတိုင်း၊ ရေစကြိုမြို့နယ်အခြေစိုက် ခလရ ၂၅၂ တပ်က တပ်သားတဦး လက်နက်ခဲယမ်းတွေနဲ့အတူ ရေစကြိုမြို့နယ် ပြည်သူ့ကာကွယ်ရေးတပ်ဖွဲ့ဆီ အလင်း၀င်လာတယ်လို့ အဲ့ဒီအဖွဲ့ဆီက သိရပါတယ်။
အလင်းဝင်လာသူဟာ အသက် ၂၂ နှစ်အရွယ် တပ်သား စိုင်းခမ်းလီ ဖြစ်ပြီး ဧပြီ ၅ ရက်မှာ MA 1 ၁ လက်၊ ကျည်ဘောက် ၄ ခု၊ အီနာဂါ ၁ ခု၊ ကျည် ၁၃၀ တောင့်ကျော်ယူပြီး အလင်းဝင်လာတာလို့ ဆိုပါတယ်။
"မနေ့က ညပိုင်း ၇ နာရီလောက်က ရေစကြိုမြို့ပေါ်မှာ တာဝန်ကျတဲ့တပ်သား အလင်းဝင်လာတာ၊ ကျနော်တို့သွားပြီးတော့ ခေါ်ခဲ့တာ၊" လို့ ရေစကြိုမြို့နယ်ပြည်သူ့ကာကွယ်ရေးအဖွဲ့မှ သတင်းနဲ့ပြန်ကြားရေးတာ၀န်ခံက ပြောပါတယ်။
တပ်သားစိုင်းခမ်းလီကို ကျပ်သိန်း ၅၀ ဆုချပြီး လက်ရှိမှာ လွတ်မြောက်နယ်တခုကို ပို့ဆောင်ထားတယ်လို့ ဆိုပါတယ်။
စစ်အာဏာသိမ်းချိန်ကနေ လက်ရှိအချိန်ထိ ရေစကြို ပကဖဆီကို အလင်းဝင်လာတဲ့ ရဲ ၁ ဦးနဲ့ စစ်သား ၇ ဦးရှိပြီး လက်နက်နဲ့အလင်းဝင်လာသူများတယ်လို့ သတင်းနဲ့ပြန်ကြားရေးတာဝန်ခံက ပြောပါတယ်။
ပုံစာ - တပ်သား စိုင်းခမ်းလီနှင့် ရေစကြိုပကဖ တာဝန်ရှိသူတဦး။
စာတည်း - လင်း
#မြေလတ်အသံ
#မကွေး #ရေစကြို #အလင်း၀င် #ခလရ၂၅၂ #တပ်သား
Share Share Share