၃ ချီပြည့်အပြိုင်အဆိုင်ထိုးပြီး အမှတ်နဲ့ရှုံးခဲ့တဲ့ စိုးလင်းဦး (အားကစားသတင်း)

ONE 170 ပြိုင်ပွဲမှာ စိုးလင်းဦးဟာ ပြိုင်ဘက် ဆက်ဆန်ကို ၃ ချီအပြည့်ထိုးသတ်ခဲ့ပြီး ဒိုင်ဆုံးဖြတ်ချက်နဲ့ အရှုံးပေးခဲ့ရပါတယ်။ 

ဒီပွဲဟာတော့ စိုးလင်းဦးရော ဆက်ဆန်ပါ အပြိုင်အဆိုင်ထိုးသတ်ခဲ့ကြပြီး ပရိတ်အကြိုက်ပွဲကောင်းတပွဲဖြစ်ခဲ့ပါတယ်။ 

စိုးလင်းဦးဟာ ဆက်ဆန်ကို သေချာလေ့လာခဲ့တာတွေ့ရပြီး ဆက်ဆန်ရဲ့အားသာချက်တွေဖြစ်တဲ့ လက်သီးချက်တွေနဲ့ ခြေကန်ချက်တွေ မထိအောင်လုပ်ဆောင်နိုင်ခဲ့ပါတယ်။ 

စိုးလင်းဦးဟာ လူချင်းပူးကပ်ပြီး ပင့်လက်သီးတွေ ဆက်တိုက်သုံးပြီးထိုးခဲ့တာ ကောင်းမွန်ပေမယ့် အနီးကပ် တံတောင်ရိုက်ချက်တွေ ကောင်းကောင်းအသုံးချသွားတဲ့ ဆက်ဆန်ဟာ ဒိုင် ၃ ဦးစလုံးရဲ့ ဆုံးဖြတ်ချက်နဲ့ အနိုင်ရသွားခဲ့တာဖြစ်ပါတယ်။ 

Photo - SS from ONE 170 Live.

#မြေလတ်အသံ 

#အားကစား #ONE170 #စိုးလင်းဦး #ဆက်ဆန်