Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
CDM ကျောင်းဆရာမအပါအဝင် အမျိုးသမီး ၃ ဦး အကြမ်းဖက်ဥပဒေနဲ့ အမှုဖွင့်ခံရ
စစ်ကိုင်းတိုင်း၊ အင်းတော်မြို့နယ်၊ အောင်မင်္ဂလာရပ်ကွက်မှာ နေထိုင်တဲ့ ဆရာမ ၁ ဦးအပါအဝင် အမျိုးသမီး ၃ ဦးကို စစ်ကောင်စီက အကြမ်းဖက်တိုက်ဖျက်ရေးဥပဒေပုဒ်မတွေနဲ့ တရားစွဲဆိုထားတယ်လို့ သိရပါတယ်။
မတ်လ ၃ ရက်နေ့က ဝင်ရောက်ဖမ်းဆီးခဲ့တာဖြစ်ပြီး အဲ့ဒီနေ့တရက်ထဲ ပြည်သူ ၂၀ ကျော်ဖမ်းဆီးခံခဲ့ရကာ ဆရာမ ၁ ဦးနဲ့ အမျိုးသမီး ၂ ဦးကတော့ လက်ရှိတရားစွဲဆိုခံထားရပြီး တခြားဖမ်းဆီးခံရတဲ့ ပြည်သူတွေကတော့ အခြေနေမသိရသေးဘူးလို့ ဆိုပါတယ်။
“အဲ့ဒီနေ့က ၂၂ ယောက် အဖမ်းခံရတာ။ အဲ့ထဲကမှ ၅ ယောက်လောက်က လွတ်ခဲ့ပြီ။ ကျန်တာတွေကတော့ လွတ်သံမကြားသေးဘူး။ မနေ့တုန်းက လွတ်သွားတဲ့သူတွေလည်း ရှိတယ်။ ဆရာမတယောက်ဆို မနေ့ကမှ လွတ်တာ။” လို့ အင်းတော်ဒေသခံ တဦးက ပြောပါတယ်။
အလယ်တန်းပြ CDM ဆရာမ ဒေါ်သိန်းလှ ၃၉ နှစ်၊ ဒေါ်အေးအေး ၄၄ နှစ်နဲ့ ဒေါ်ခင်ပြည့်ပြည့်ထွန်းတို့ ၃ ဦးကို PDF တွေကို ထောက်ပံ့နေတယ်ဆိုပြီး အကြမ်းဖက်တိုက်ဖျက်ရေးဥပဒေပုဒ်မ ၅၂(က)၊ ၅၀(ည)တို့နဲ့ တရားစွဲဆိုထားတယ်လို့ သိရပါတယ်။
မတ်လ ၃ ရက်နေ့ မနက်ပိုင်းက အင်းတော်မြို့ထဲက မီးပွိုင့်နားမှာ ပကဖရဲဘော် ၂ ဦး ဖမ်းဆီးခံရပြီးနောက်ပိုင်း ဆက်စပ်ပြည်သူတွေဆိုပြီး ပြည်သူ ၂၀ ကျော်ကို ဖမ်းဆီးခဲ့တာလည်း ဖြစ်ပါတယ်။
စာတည်း - 007
#မြေလတ်အသံ